വെറൈറ്റി റാഗി ഡ്രിങ്ക്

ചേരുവകൾ

    റാഗി
    ഉപ്പ്
    കാരറ്റ്
    കശുവണ്ടി
    പാൽ
    പഞ്ചസാര അല്ലെങ്കിൽ ഈന്തപ്പഴം
    ഏലയ്ക്കാപ്പൊടി
    കസ്കസ്

തയ്യാറാക്കുന്നവിധം

    ഒരു ബൗൾ എടുത്ത് ഒന്നേകാൽ കപ്പ് വെള്ളം ചൂടാക്കാം.
    മറ്റൊരു ചെറിയ ബൗളിൽ രണ്ടു സ്പൂൺ റാഗി എടുത്ത് കാൽ  കപ്പ് വെള്ളത്തിൽ മിക്സ് ചെയ്ത് ചൂടാക്കിയ വെള്ളത്തിലേയ്ക്ക് ചേർത്ത്കൊടുക്കുക. കുറഞ്ഞ റാഗി കുറുക്കി എടുക്കാം.
    അതിലേയ്ക്ക് ഇടയ്ക്ക് രണ്ടു നുള്ള് ഉപ്പ് കൂടി ചേർത്തിളക്കാം.
    രണ്ട് ടീസ്പൂൺ കസ്കസ് കുതിർക്കാൻ വെയ്ക്കാം.
    റാഗി കുറുകി വരുമ്പോൾ ഫ്ലെയ്മ് ഓഫ് ചെയ്ത് ചൂടാറാൻ വെയ്ക്കാം.
    രണ്ട് മീഡിയം സൈസിലുള്ള കാരറ്റ് ചെറിയ കഷ്ണങ്ങളാക്കി കുക്കറിൽ വെച്ച് കുറച്ച് വെള്ളം കൂടി ഒഴിച്ച് വേവിച്ചെടുക്കാം.
    ചൂടാറിയ റാഗി ഒരു മിക്സി ജാറിലേയ്ക്ക് പകർന്ന് അതിലേയ്ക്ക് വേവിച്ച കാരറ്റ്, കുറച്ച് അണ്ടിപരിപ്പ് എന്നിവ ഇട്ട് കൊടുക്കാം.
    അതിലേയ്ക്ക് കാൽകപ്പ് പാലും ആവശ്യത്തിന് പഞ്ചസാരയും ഒരു ടീസ്പൂൺ
    ഏലയ്ക്കാപ്പൊടിയും ചേർക്കുക. മധുരത്തിനായി പഞ്ചസാരയ്ക്ക് പകരം ഈന്തപ്പഴം വേണമെങ്കിലും ചേർത്ത് കൊടുക്കാം.ഇവയെല്ലാം കൂടി നന്നായിട്ട് മിക്സിയിൽ ബ്ലെൻ്റ് ചെയ്യാം.
    അതിലേയ്ക്ക് ഒന്നേമുക്കാൽ കപ്പാ പാൽ കൂടി ഒഴിച്ച് ഒന്നുകൂടി ബ്ലെൻ്റ് ചെയ്ത് സോക്ക് ചെയ്ത് വെച്ചിരിക്കുന്ന കസ്കസ് കൂടി ഇട്ട് തണുപ്പിച്ച് സേർവ് ചെയ്യാം