വരാൽ കറി ഇനി സിംപിളായി വീട്ടിലുണ്ടാക്കാം

ചേരുവകൾ

വരാൽ (നുറുക്കിയത്)- ഒരു കിലോ

വറ്റൽമുളക് -50 ഗ്രാം

മല്ലി- 25 ഗ്രാം

കുരുമുളക്-10

ഉലുവ -ഒരു നുള്ള്

പെരുംജീരകം-ഒരു നുള്ള്

മഞ്ഞൾ-ഒരു ചെറിയ കഷണം

ഇഞ്ചി-ഒരു ചെറിയ കഷണം

കുടംപുളി-50 ഗ്രാം

ഉപ്പ്-പാകത്തിന്

വെളിച്ചെണ്ണ-വലിയ രണ്ടു സ്പൂൺ

കടുക് -ഒരു നുള്ള്

കറിവേപ്പില- രണ്ടു തണ്ട്

പച്ചമുളക് – 10

ചുവന്നുള്ളി-10

പാചകം ചെയ്യുന്ന വിധം

മൺചട്ടിയിൽ എണ്ണ ചൂടാക്കി കടുക് ഇട്ടു പൊട്ടിക്കുക.

അതിന് ശേഷം ഉള്ളി , പച്ചമുളക്, ഇഞ്ചി ഇവ ചെറുതായി അരിഞ്ഞ് ചൂടാക്കിയ എണ്ണയിൽ ഇട്ടു വഴറ്റുക.

ഏകദേശം വഴന്നു വരുമ്പോൾ കറിവേപ്പില ചേർക്കുക.

അതിന് ശേഷം വറ്റൽമുളക്, മല്ലി, കുരുമുളക്, ഉലുവ, ജീരകം, മഞ്ഞൾ, തുടങ്ങിയവ അരച്ചെടുക്കുക.

വഴറ്റിയ വെളിച്ചെണ്ണയിലേക്ക് ഈ അരപ്പ് ഇട്ടു പാകത്തിന് ഉപ്പ് ചേർത്തു ചൂടാക്കുക.

ചൂടായി വരുമ്പോൾ കുടംപുളിയിട്ട് ഇളക്കുക.

നന്നായി തിളച്ചു വരുമ്പോൾ മീൻ കഷണങ്ങൾ ചേർക്കുക.

മറ്റൊരു ചട്ടികൊണ്ടു അടച്ചു വെച്ചു വേവിക്കുക