തക്കാളി കൊണ്ട് ഇത്ര രുചിയുള്ള ചമ്മന്തിയോ? ഒന്ന് ഉണ്ടാക്കി നോക്കൂ!

തക്കാളിച്ചമ്മന്തി ഇതൊരു ശ്രീലങ്കന്‍ ഇനമാണ്. അവര്‍ ടൊമാറ്റോ സോസ് ചേര്‍ത്താണ് ഇത് തയ്യാറാക്കുക. എന്നാല്‍, നമുക്ക് യഥാര്‍ഥ തക്കാളി ചേര്‍ത്ത് ഇത് തയ്യാറാക്കാം:

ചേരുവകള്‍

തക്കാളി പഴുത്തത്‌രണ്ട് എണ്ണം, കുരുമുളക് (മണി)ഒരു ടീസ്പൂണ്‍, പച്ചമുളക്‌രണ്ട് എണ്ണം, നാളികേരംരണ്ട് കപ്പ്, കറിവേപ്പിലഅര ടീസ്പൂണ്‍, വെളുത്തുള്ളിനാല് അല്ലി, മല്ലിയില (അരിഞ്ഞത്)അര ടീസ്പൂണ്‍, ഉപ്പ്, വെളിച്ചെണ്ണആവശ്യത്തിന്.

തയ്യാറാക്കുന്ന വിധം

തക്കാളി ചെറുതായി അരിയുക. നാളികേരം, തക്കാളി, പച്ചമുളക്, വെളുത്തുള്ളി, ഉപ്പ്, മല്ലിയില, കുരുമുളക് എന്നിവ നന്നായി അടിച്ചെടുക്കുക (നന്നായി അരഞ്ഞുപോകരുത്). കറിവേപ്പിലയും വെളിച്ചെണ്ണയും കുറച്ച് ചേര്‍ത്ത് ചാലിച്ചെടുത്താല്‍ തക്കാളിച്ചമ്മന്തി തൊട്ടുകൂട്ടാം.