കുറഞ്ഞ സമയത്തിനുള്ളിൽ ഒരു പെർഫെക്ട് 'തവ ചിക്കൻ'

ചേരുവകൾ
ചിക്കൻ – 500 ഗ്രാം
മുളകുപൊടി – 2 ടീസ്പൂൺ
മല്ലിപ്പൊടി – 1 ടീസ്പൂൺ
മഞ്ഞൾപ്പൊടി – ¼ ടീസ്പൂൺ
കുരുമുളകുപൊടി – 1 ടീസ്പൂൺ
ഗരം മസാല – 1 ടീസ്പൂൺ
ഇഞ്ചി-വെളുത്തുള്ളി പേസ്റ്റ് – 1 ടേബിൾസ്പൂൺ
തൈര് – 2 ടേബിൾസ്പൂൺ
നാരങ്ങാനീര് – 1 ടേബിൾസ്പൂൺ
ഉപ്പ് – ആവശ്യത്തിന്
എണ്ണ അല്ലെങ്കിൽ നെയ് – 2–3 ടേബിൾസ്പൂൺ
കറിവേപ്പില – 2 തണ്ട്
സവാള – 2 എണ്ണം (വട്ടത്തിൽ അരിഞ്ഞത്)
പച്ചമുളക് – 2 എണ്ണം (നീളത്തിൽ കീറിയത്)
മല്ലിയില – അലങ്കരിക്കാൻ
തയ്യാറാക്കുന്ന വിധം
ചിക്കനിൽ മുളകുപൊടി, മല്ലിപ്പൊടി, മഞ്ഞൾപ്പൊടി, കുരുമുളകുപൊടി, ഗരം മസാല, ഇഞ്ചി-വെളുത്തുള്ളി പേസ്റ്റ്, തൈര്, നാരങ്ങാനീര്, ഉപ്പ് എന്നിവ ചേർത്ത് നന്നായി പുരട്ടി കുറഞ്ഞത് 30 മിനിറ്റ് മാരിനേറ്റ് ചെയ്യുക.
ഒരു തവ ചൂടാക്കി എണ്ണ ഒഴിക്കുക.
കറിവേപ്പില ചേർത്ത് ശേഷം മാരിനേറ്റ് ചെയ്ത ചിക്കൻ നിരത്തി മൂടിവെച്ച് മീഡിയം തീയിൽ 10–12 മിനിറ്റ് വേവിക്കുക.
ചിക്കൻ മറിച്ചിട്ട് സവാളയും പച്ചമുളകും ചേർത്ത് വീണ്ടും 10 മിനിറ്റ് വേവിക്കുക.
വെള്ളം വറ്റി മസാല ചിക്കനിൽ നന്നായി പിടിക്കുകയും ഇരുവശവും ചെറുതായി ബ്രൗൺ നിറമാകുകയും ചെയ്താൽ തീ ഓഫ് ചെയ്യുക.
മല്ലിയില വിതറി ചൂടോടെ വിളമ്പുക.