പല്ലുകൾക്കും എല്ലുകൾക്കും കരുത്തേകാൻ റാഗി ലഡ്ഡു

ആവശ്യമായ ചേരുവകൾ

റാഗി പൊടി: 1 കപ്പ്

ശർക്കര: 1 കപ്പ് (പൊടിച്ചത്)

നെയ്യ്: കാൽ കപ്പ്

നട്സ്: കാൽ കപ്പ് (ചെറുതായി പൊടിച്ചത്)

ഏലയ്ക്ക പൊടി: 2 സ്പൂൺ

തയ്യാറാക്കുന്ന വിധം

ആദ്യം ശർക്കര ഒരു പാനിലെടുത്ത് നന്നായി ചൂടാക്കി ഉരുക്കി പാനിയാക്കി മാറ്റുക. ശേഷം തയ്യാറാക്കി വെച്ചിരിക്കുന്ന റാഗി പൊടിയിലേക്ക് ഈ ശർക്കര പാനി ചേർത്ത് നന്നായി ഇളക്കി യോജിപ്പിക്കുക. മറ്റൊരു പാനിൽ നെയ്യ് ചൂടാക്കി അതിലേക്ക് നട്സും ഏലയ്ക്ക പൊടിയും ചേർത്ത് ചെറുതായി മൂപ്പിച്ചെടുക്കുക. ഈ മിശ്രിതം റാഗി മാവിലേക്ക് ഒഴിച്ച് നന്നായി മിക്സ് ചെയ്ത ശേഷം കൈകൊണ്ട് ചെറിയ ഉരുളകളാക്കി മാറ്റുക. പോഷകസമൃദ്ധമായ റാഗി ലഡ്ഡു തയ്യാർ!