മക്കൾക്ക് ചീര ഇഷ്ടമല്ലേ? ഇങ്ങനെ ദോശ ചുട്ടു കൊടുത്തു നോക്കൂ, പ്ലേറ്റ് കാലിയാകും

ആവശ്യമായ ചേരുവകൾ
ദോശ മാവ് – 2 കപ്പ്
ചീര – 1 കപ്പ് (കഴുകി അരിഞ്ഞത്)
പച്ചമുളക് – 2 എണ്ണം
ഇഞ്ചി – 1 ചെറിയ കഷണം
ജീരകം – ½ ടീസ്പൂൺ
ഉപ്പ് – ആവശ്യത്തിന്
എണ്ണ – ദോശ ചുടാൻ
തയ്യാറാക്കുന്ന വിധം
ചീര, പച്ചമുളക്, ഇഞ്ചി എന്നിവ അല്പം വെള്ളം ചേർത്ത് നന്നായി അരച്ചെടുക്കുക.
ഈ ചീര മിശ്രിതം ദോശ മാവിലേക്ക് ചേർത്ത് ഇളക്കുക.
ജീരകവും ആവശ്യത്തിന് ഉപ്പും ചേർത്ത് നന്നായി കലക്കുക.
ദോശക്കല്ല് ചൂടാക്കി അല്പം എണ്ണ പുരട്ടുക.
മാവ് ഒഴിച്ച് വട്ടത്തിൽ പരത്തി ദോശ ചുടുക.
അരികുകളിൽ കുറച്ച് എണ്ണ ഒഴിച്ച് രണ്ട് വശവും സ്വർണ്ണനിറമാകുന്നതുവരെ വേവിക്കുക.
ചൂടോടെ തേങ്ങാ ചമ്മന്തിയോ സാമ്പാറോ കൂട്ടി വിളമ്പുക.