തക്കാളി കൊണ്ട് ഉഗ്രൻ സൂപ്പുണ്ടാക്കാം

ആവശ്യമായ ചേരുവകൾ

തക്കാളി – ഏഴ് എണ്ണം
പച്ചമുളക് അരിഞ്ഞത് – ഒന്ന്
നെയ്യ് – ഒരു ടേബിൾ സ്പൂൺ
പൊടി പഞ്ചസാര – അര ടീസ്പൂൺ
ജീരകം – ഒരു ടീസ്പൂൺ
ബ്ലാക്ക് സാൾട്ട് – കാൽ ടീസ്പൂൺ
കുരുമുളക് – അര ടീസ്പൂൺ
കായം – ഒരു നുള്ള്
ഇഞ്ചി – അര ടീസ്പൂൺ
വെളുത്തുള്ളി – മൂന്ന് അല്ലി
ഉപ്പ് – പാകത്തിന്
മല്ലിയില – ഒരു പിടി
തയ്യാറാക്കുന്ന വിധം

തക്കാളി ചെറിയ കഷ്ണങ്ങളാക്കി ഇഞ്ചി, വെളുത്തുള്ളി, പച്ചമുളക് എന്നിവ അൽപം വെള്ളം എന്നിവ ചേർത്ത് അരച്ച് പേസ്റ്റ് രൂപത്തിലാക്കുക. ഇനി ഒരു പാനിൽ നെയ്യ് ഒഴിച്ച് ചൂടാകുമ്പോൾ ജീരകം, കായം എന്നിവ ചേർക്കാം. ശേഷം തയ്യാറാക്കിവച്ചിരിക്കുന്ന തക്കാളി പേസ്റ്റ് ഇതിലേക്ക് ചേർക്കുക. ചെറുതായി കുറുകുമ്പോൾ ബ്ലാക്ക് സാൾട്ടും കുരുമുളകും ചേർക്കാം. ഇനി പൊടി പഞ്ചസാരയും പാകത്തിന് ഉപ്പും ചേർത്ത് ചെറുതീയിൽ തിളപ്പിക്കുക. നന്നായി തിളച്ചാൽ മല്ലിയില വിതറി ചെറുചൂടോടെ കഴിക്കാവുന്നതാണ്.