.jpg)
മൺചട്ടിയുടെ മണമുള്ള സ്പെഷ്യൽ തന്തൂരി ചായ ഇനി വീട്ടിൽ തയ്യാറാക്കാം
ചേരുവകള്:
പാല് – ഒരു കപ്പ്
ഏലക്കായ – 2 എണ്ണം
ഇഞ്ചി ചതച്ചത് – ഒരു ടേബിള്സ്പൂണ്
കറുവപ്പട്ട – ഒന്ന്
പെരുംജീരകം – കാല് ടേബിള്സ്പൂണ്
ബ്രൗണ് ഷുഗര് – 5 ടേബിള്സ്പൂണ്
ചായപ്പൊടി – 5 ടേബിള്സ്പൂണ്
തയ്യാറക്കുന്ന വിധം:
ഒരു മണ്കുടം എടുത്ത് ഹൈ ഫ്ളെയിമില് അടുപ്പില് വച്ച് കുടത്തിന്റെ എല്ലാ വശങ്ങളും ചൂടാക്കുക. അതേസമയം മറ്റൊരു പാത്രത്തില് പാലും ഏലയ്ക്കായയും ഇട്ട് തിളപ്പിച്ച് അതിലേയ്ക്ക് ഇഞ്ചി ചതച്ചത്, കറുവപ്പട്ട, ഉപ്പ്, പെരുംജീരകം, ബ്രൗണ് ഷുഗര്, ചായപ്പൊടി എന്നിവ ഇടുക. തുടര്ന്ന് നന്നായി തിളപ്പിക്കുക. ഇടയ്ക്ക് തവി ഉപയോഗിച്ച് ഒന്ന് ഇളക്കി കൊടുക്കാവുന്നതാണ്. ശേഷം അടുപ്പില് നിന്നിറക്കി ഒരു പാത്രിത്തിലേക്ക് അരിച്ചൊഴിക്കുക. ചൂടാക്കിയ മണ്കുടം ഒരു പരന്ന പാത്രത്തിലേക്ക് വെച്ച് ചൂടുള്ള ചായ മണ്കുടത്തിലേക്ക് ഒഴിക്കുക. അപ്പോള് ചായ തിളച്ചു പൊന്തും. തിള മാറി കഴിഞ്ഞാല് ചെറിയ മണ്ഗ്ലാസിലേക്ക് തന്തൂരി ചായ ഒഴിച്ചു വെയ്ക്കാം.