ഇത് കഴിച്ചാൽ വീണ്ടും ചോദിക്കും! പെർഫെക്റ്റ് ചെമ്മീൻ അച്ചാർ ഉണ്ടാക്കുന്ന രഹസ്യം

Whatsapp Group

തയ്യാറാക്കുന്ന വിധം
ചെമ്മീൻ നല്ല പോലെ കഴുകി അല്പം മുളകു പൊടിയും കുരുമുളകും മഞ്ഞളും ഉപ്പും പുരട്ടി അര മണിക്കൂർ വെയ്ക്കുക.( ഇതിനായി അല്പം മുളക് പൊടി വേറെ എടുത്തു കൊള്ളൂ ) എന്നിട്ട് ഒരു ചീനച്ചട്ടിയിൽ എണ്ണ ചൂടാക്കി നല്ല പോലെ വറുത്തെടുക്കണം(ഇങ്ങനെ ചെയ്താലേ ഇതിലുള്ള വെള്ളത്തിന്റെ അംശം പോകൂ.അപ്പോൾ അച്ചാർ കേടു കൂടാതെ കുറെ നാൾ സൂക്ഷിക്കാം.)
വറുത്ത ചെമ്മീൻ വേറൊരു പാത്രത്തിൽ കോരി മാറ്റി വെയ്ക്കുക . ചെമ്മീൻ വറുത്ത പാത്രത്തിൽ തന്നെ കടുകും കറിവേപ്പിലയും താളിയ്ക്കുക അതിലേക്ക് ഇഞ്ചിയും വെളുത്തുള്ളിയും ചേര്ത്ത് വഴറ്റുക .ഇനി മുളക് പൊടിയും ഉലുവ പൊടിയും കായവും ചേര്ത്ത്ം പച്ച മണം മാറുന്നത് വരെ നന്നായി ഇളക്കുക. വറത്ത ചെമ്മീനും ഉപ്പും ചേര്ത്ത്് നന്നായി ഇളക്കാം. അടുപ്പിൽ നിന്നും വാങ്ങി വെയ്ക്കുക,അലപം വിനാഗിരി ചെറുതായി തിളപ്പിച്ച്‌ ആറിച്ചു ഇതിൽ ഒഴിക്കണം. ചെമ്മീൻ അച്ചാർ തയ്യാർ. തണുക്കുമ്പോൾ വെള്ള മയം ഇല്ലാത്ത കുപ്പിയിൽ ഇട്ടു നന്നായി അടച്ചു വെയ്ക്കുക.
(കൂടുതൽ നാൾ വെച്ചേക്കാൻ ആണെങ്കിൽ ഫ്രിഡ്ജിൽ സൂക്ഷിക്കുന്നതാണ് നല്ലത്.വെള്ളം ചേര്ക്കാ തെ അല്പം പുരണ്ടു ഇരിക്കുന്നതാണ് നല്ലത് .
ഉണ്ടാക്കിയ ദിവസം തന്നെ ഉപയോഗിക്കാം എങ്കിലും 3 – 4 ദിവസങ്ങൾ കഴിഞ്ഞു ഉപയോഗിക്കുന്നതാകും നല്ലത്. ഡ്രൈ ആയ ചെമ്മീൻ വിനാഗിരിയിൽ കിടന്നു ഒന്ന് മൃദുവായി എരിവൊക്കെ പിടിച്ചു വന്നാലെ രുചി കിട്ടൂ. ചെമ്മീൻ കഷണങ്ങളായി മുറിച്ചു ഇടണമെങ്കിൽ അങ്ങനെ ചെയ്യാം.
പെട്ടെന്ന് കേടാകാനുള്ള സാധ്യത ഉള്ളതിനാൽ നനഞ്ഞ കുപ്പിയോ നനഞ്ഞ സ്പൂണോ ഉപയോഗിക്കരുത്.അല്പം ചൂടാക്കിയ എണ്ണ അച്ചാറിനു മുകളിൽ തൂകാവുന്നതാണ്..
അവരവരുടെ ഇഷ്ടത്തിന് അനുസരിച്ച് എരിവു കൂട്ടാവുന്നതാണ്. ചെമ്മീൻ അച്ചാറിനു അല്പം എരിവു വേണം .ഗ്ലാസ്സ് ജാറിൽ സൂക്ഷിക്കുന്നതാണ് കൂടുതൽ നന്ന്.