അതിഥികൾ വന്നാൽ അഞ്ചു മിനിറ്റിൽ തയ്യാറാക്കാം റവ കേസരി

ബോംബെ റവ-ഒരു കപ്പ്
നെയ്യ്-മുക്കാൽ കപ്പ്
ചൂടുവെള്ളം-2 കപ്പ്
പഞ്ചസാര-2 കപ്പ്
പാൽ-1 സ്പൂൺ
ഏലയ്ക്ക-1 സ്പൂൺ
കശുവണ്ടിപ്പരിപ്പ് ഉണക്കമുന്തിരി

നെയ്യ് ഉരുക്കുക. ഇതിലേക്ക് റവയിട്ട് നല്ലപോലെ ഇളക്കണം. വെള്ളമൊഴിച്ച് നല്ലപോലെ ഇളക്കിക്കൊണ്ടിരിക്കുക. ഇതിലേക്ക് പഞ്ചസാര ചേർത്ത് വീണ്ടും ഇളക്കണം. മിശ്രിതം ഒരുവിധം കുറുകി വരുമ്പോൾ പാൽ ചേർത്ത് വീണ്ടും ഇളക്കുക. പിന്നീട് ഇതിലേക്ക് ഏലയ്ക്ക പൊടിച്ചതും കശുവണ്ടിപ്പരിപ്പും ഉണക്കമുന്തിരിയും ചേർത്തിളക്കി വറ്റിക്കണം. ഇത് തണുക്കുമ്പോൾ ഇഷ്ടമുള്ള ആകൃതിയിൽ മുറിച്ചെടുക്കാം. മേമ്പൊടി കശുവണ്ടിപ്പരിപ്പും ഉണക്കമുന്തിരിയും നെയ്യിൽ വറുത്തെടുത്ത് ചേർത്താൽ കൂടുതൽ സ്വാദു ലഭിക്കും. കേസരിക്കു നിറം വേണമെങ്കിൽ ഫുഡ് കളർ ചേർക്കാം.