വൈകുന്നേരത്തെ ചായയ്ക്കൊപ്പം കഴിക്കാൻ കിടിലൻ റാഗി കൊഴുക്കട്ട

* റാഗിപ്പൊടി – 1 കപ്പ്
* അരിപൊടി – ½ കപ്പ്
* വെള്ളം – ഏകദേശം 1½ കപ്പ്
* ഉപ്പ് – ¼ ടീസ്പൂൺ
* നെയ്യ് – 1 ടീസ്പൂൺ

**തേങ്ങാ ഫില്ലിംഗിന്**

* ചിരവിയ തേങ്ങ – 1 കപ്പ്
* ശർക്കര – ¾ കപ്പ്
* ഏലക്കാപ്പൊടി – ½ ടീസ്പൂൺ
* ജീരകപ്പൊടി – ¼ ടീസ്പൂൺ

തയ്യാറാക്കുന്ന വിധം

1. ഒരു പാനിൽ ശർക്കരയും 2 ടേബിൾസ്പൂൺ വെള്ളവും ചേർത്ത് ഉരുക്കി അരിച്ചെടുക്കുക.
2. അതിലേക്ക് ചിരവിയ തേങ്ങ ചേർത്ത് വെള്ളം വറ്റുന്നതുവരെ വഴറ്റുക.
3. ഏലക്കാപ്പൊടിയും ജീരകപ്പൊടിയും ചേർത്ത് ഇളക്കി മാറ്റിവയ്ക്കുക.
4. മറ്റൊരു പാത്രത്തിൽ വെള്ളം, ഉപ്പ്, നെയ്യ് എന്നിവ തിളപ്പിക്കുക.
5. റാഗിപ്പൊടിയും അരിപൊടിയും ചേർത്ത് നന്നായി ഇളക്കുക.
6. തീ ഓഫ് ചെയ്ത് 2–3 മിനിറ്റ് മൂടിവയ്ക്കുക.
7. ചൂട് കുറയുമ്പോൾ കൈകൊണ്ട് നന്നായി കുഴച്ച് മൃദുവായ മാവ് തയ്യാറാക്കുക.
8. ചെറിയ ഉരുളകളാക്കി കൈയിൽ വെച്ച് പരത്തി മധ്യത്തിൽ തേങ്ങാ ഫില്ലിംഗ് വയ്ക്കുക.
9. മാവ് അടച്ച് ഉരുളയാക്കി കൊഴുക്കട്ടയുടെ ആകൃതിയിൽ തയ്യാറാക്കുക.
10. സ്റ്റീമറിൽ വച്ച് **12–15 മിനിറ്റ്** ആവിയിൽ വേവിക്കുക.
11. ചൂടോടെ വിളമ്പാം.