തലമുറകളുടെ രുചിപ്പെരുമയുമായി മലബാർ സ്പെഷ്യൽ പുളിയിഞ്ചി

ചേരുവകൾ
- ഇഞ്ചി – 100 ഗ്രാം (പൊടിയായി അരിഞ്ഞത്)
- പച്ചമുളക് – 7 എണ്ണം (അരിഞ്ഞത്)
- പുളി പേസ്റ്റ് – 1 ടേബിൾ സ്പൂൺ (അല്ലെങ്കിൽ പുളി വെള്ളം)
- മുളകുപൊടി – 1 ടീസ്പൂൺ
- മല്ലിപ്പൊടി – 1 ടീസ്പൂൺ
- ഉലുവപ്പൊടി – 1/2 ടീസ്പൂൺ
- ശർക്കര – ഒരു ചെറിയ കഷ്ണം (മധുരത്തിന് അനുസരിച്ച്)
- വെളിച്ചെണ്ണ – 1 ടേബിൾ സ്പൂൺ (വഴറ്റാൻ)
- വെള്ളം – 1/2 കപ്പ് (അോ അതിൽ കൂടുതലോ)
- ഉപ്പ് – പാകത്തിന്
താളിക്കാൻ:
- വെളിച്ചെണ്ണ – 1/2 ടേബിൾ സ്പൂൺ
- കടുക് – 1 ടീസ്പൂൺ
- വറ്റൽമുളക് – 2 എണ്ണം
- കറിവേപ്പില – ആവശ്യത്തിന്
തയ്യാറാക്കുന്ന വിധം
സ്റ്റെപ്പ് 1: ഇഞ്ചിയും പച്ചമുളകും വഴറ്റൽ ഒരു പാനിൽ 1 ടേബിൾ സ്പൂൺ വെളിച്ചെണ്ണ ചൂടാക്കി പൊടിയായി അരിഞ്ഞുവെച്ച ഇഞ്ചിയും പച്ചമുളകും ചേർക്കുക. ഇവയുടെ നിറം മാറി ഗോൾഡൻ ബ്രൗൺ നിറത്തോട് അടുക്കുന്നതുവരെ നന്നായി വഴറ്റിയെടുക്കുക.
സ്റ്റെപ്പ് 2: പൊടികൾ ചേർക്കൽ ഇതിലേക്ക് മുളകുപൊടിയും മല്ലിപ്പൊടിയും ചേർത്ത് പച്ചമണം മാറുന്നതുവരെ ഒരു മിനിറ്റ് വഴറ്റുക. തുടർന്ന് ഉലുവപ്പൊടിയും ചേർക്കാം.
സ്റ്റെപ്പ് 3: പുളിപ്പാനിയും ശർക്കരയും ചേർത്ത് തിളപ്പിക്കൽ അതിനുശേഷം പുളി പേസ്റ്റ് അരക്കപ്പ് വെള്ളത്തിൽ കലക്കിയത് ഇതിലേക്ക് ഒഴിച്ച് നന്നായി ഇളക്കുക. ഇത് തിളച്ചു വരുമ്പോൾ പാകത്തിന് ഉപ്പും ശർക്കരയും ചേർക്കുക. മിശ്രിതം നന്നായി കുറുകി പാകമാകുമ്പോൾ തീ ഓഫ് ചെയ്യാം.
സ്റ്റെപ്പ് 4: താളിച്ചു ചേർക്കൽ മറ്റൊരു ചെറിയ പാനിൽ അര ടേബിൾ സ്പൂൺ വെളിച്ചെണ്ണ ചൂടാക്കി കടുക് പൊട്ടിക്കുക. അതിലേക്ക് വറ്റൽമുളകും കറിവേപ്പിലയും ചേർത്ത് മൂപ്പിച്ച ശേഷം തയ്യാറാക്കി വെച്ചിരിക്കുന്ന പുളിയിഞ്ചിയിലേക്ക് ഒഴിക്കുക. ഇത് നന്നായി ഇളക്കി യോജിപ്പിക്കുക.
(ഈ വിഭവം തയ്യാറാക്കി ഒന്നോ രണ്ടോ ദിവസം കഴിഞ്ഞ് ഉപയോഗിച്ചാൽ രുചി കൂടുതൽ ഇരട്ടിക്കും). സദ്യയ്ക്കും ഊണിനും ഒപ്പം കഴിക്കാൻ ഏറ്റവും രുചികരമായ നാടൻ പുളിയിഞ്ചി തയ്യാർ