ഈ കൂന്തൽ റോസ്റ്റ് ഒരു തവണ എങ്കിലും പരീക്ഷിച്ച് നോക്കൂ

ആവശ്യമായ സാധനങ്ങൾ

കൂന്തൽ റോസ്റ്റ് ചേരുവകൾ
കണവ (കൂന്തൽ) – 1 കിലോഗ്രാം
ചെറിയ ഉള്ളി – 250 ഗ്രാം
പച്ചമുളക് -5 എണ്ണം
ഇഞ്ചി – ചെറിയ കഷ്ണം
വെളുത്തുള്ളി – 2 കുടം
തേങ്ങാക്കൊത്ത് – 1/2 കപ്പ്
കറിവേപ്പില – ആവശ്യത്തിന്
മഞ്ഞൾപ്പൊടി – 1/2 സ്പൂൺ
മുളകുപൊടി – 2 സ്പൂൺ
കുരുമുളകുപൊടി – 1സ്പൂൺ
മസാലപ്പൊടി – 1 സ്പൂൺ
മല്ലിപ്പൊടി – 1 സ്പൂൺ
തക്കാളി – 3 എണ്ണം
ഉപ്പ് – പാകത്തിന്
വെളിച്ചെണ്ണ – നാല്സ്പൂൺ
കടുക് – 1/2 ടീസ്പൂൺ

തയാറാക്കുന്ന വിധം

കണവ ഉപ്പും മഞ്ഞൾപ്പൊടിയും ചേർത്ത് വേവിക്കുക. ഒരു ഉരുളി അടുപ്പിൽ വച്ചു ചൂടായി കഴിയുമ്പോൾ വെളിച്ചെണ്ണ ഒഴിച്ചു കടുക് പൊട്ടിക്കുക. അതിനുശേഷം തേങ്ങാക്കൊത്ത് വഴറ്റിയെടുക്കുക. പിന്നീട് ചെറിയ ഉള്ളി, വെളുത്തുള്ളി, ഉള്ളി, ഇഞ്ചി, കറിവേപ്പില എന്നിവ നന്നായി വഴറ്റിയെടുക്കുക. 

ഇതിലേക്ക് അരിഞ്ഞു വച്ചിരിക്കുന്ന തക്കാളിയും കൂടി ചേർത്ത് കൊടുക്കണം. തക്കാളി ഒന്ന് വാടിയ ശേഷം അതിൽ മുളകുപൊടി, മഞ്ഞൾപ്പൊടി, കുരുമുളകുപൊടി, മസാലപ്പൊടി, മല്ലിപ്പൊടി എന്നിവ ചേർത്ത് കൊടുക്കുക. പൊടികൾ എല്ലാം മൂത്തതിനുശേഷം അതിലോട്ട് വേവിച്ചുവച്ചിരിക്കുന്ന കണവ ചേർത്തു കൊടുത്തു നന്നായി ഇളക്കി ചേർക്കുക. ഇതിനോടൊപ്പം തന്നെ ആവശ്യത്തിന് ഉപ്പും ചേർത്ത് നല്ലതുപോലെ ഇളക്കി എടുക്കാം