നെയ് പത്തിരി റെഡിയാക്കാം

ആവശ്യമായ ചേരുവകള്‍ :

ഒന്നര കപ്പ് പൊന്നിയരി, അര കപ്പ് ചെറിയ ഉള്ളി, രണ്ട് ടീസ്പൂണ്‍ പെരുംജീരകം, ഒരു കപ്പ് തേങ്ങ തിരുമ്മിയത്, വറുക്കാനാവശ്യമായ എണ്ണയും പാകത്തിന് ഉപ്പുമെടുത്താൽ പാചകത്തിലേക്ക് കടക്കാം.

തയ്യാറാക്കുന്ന വിധം: അരി നല്ല തിളച്ച വെള്ളത്തില്‍ കുതിരാനിടുകയാണ് ആദ്യം ചെയ്യേണ്ടത്. അരി വെള്ളത്തില്‍ നിന്നൂറ്റിയെടുത്ത ശേഷം, എടുത്തുവെച്ച ഉപ്പും തേങ്ങയും ഉള്ളിയും ജീരകവും ചേര്‍ത്ത് നന്നായി അരക്കണം. തുടർന്ന് ഒരു ചീനച്ചട്ടിയില്‍ വെളിച്ചെണ്ണ ചൂടാക്കി, അരച്ചുവെച്ചതിൽ നിന്ന് നെല്ലിക്കാ വലുപ്പത്തിൽ എടുത്ത് വെച്ച് പരത്തി എണ്ണയില്‍ വറുത്തെടുക്കാം. നന്നായി പൊങ്ങിവരുമ്പോൾ കോരി മാറ്റാം. നെയ് പത്തിരി റെഡി.