പത്ത് മിനുട്ടിൽ തയ്യാറാക്കാം കിടിലൻ കുരുമുളക് കറി

 ആവശ്യമായ ചേരുവകൾ

കുരുമുളക്
ചുവന്ന മുളക്
മല്ലി
ഉഴുന്ന്
കടുക്
ഉലുവ
കറിവേപ്പില
കായം
ഉപ്പ്
മഞ്ഞൾപൊടി
ശർക്കര

പാകം ചെയ്യുന്ന വിധം

ഒരു പാൻ ചൂടാക്കി കുരുമുളക്, ചുവന്ന മുളക്, മല്ലി, ഉഴുന്ന്, കടുക്, ഉലുവ എന്നിവ ചേർത്ത് ഡ്രൈ റോസ്റ്റ് ചെയ്തെടുക്കുക. ഇടത്തരം തീയിൽ വേണം ഇവ റോസ്റ്റ് ചെയ്യാൻ. കറിവേപ്പില കൂടെ ചേർത്ത് ഇളക്കി കൊടുത്ത ശേഷം, ഇത് തണുത്ത് കഴിഞ്ഞാൽ മിക്സിയുടെ ജാറിൽ എടുത്ത് നന്നായി പൊടിച്ചെടുക്കുക.

ഒരു പാൻ ചൂടാക്കി എണ്ണ ഒഴിച്ച് നന്നായി ചൂടായി വരുമ്പോൾ കടുക് ചേർത്ത് പൊട്ടിക്കുക. ഇതിലേയ്ക്ക് ഒരു നുള്ള് കായം, കറിവേപ്പില എന്നിവ കൂടെ ചേർത്ത് ഇളക്കി ഇതിലേയ്ക്ക് പുളിവെള്ളം കൂടെ ഒഴിച്ച് കൊടുക്കുക.

ആവശ്യത്തിന് ഉപ്പ്, മഞ്ഞൾപൊടി, ശർക്കര എന്നിവ കൂടെ ചേർത്തിളക്കിയ ശേഷം എല്ലാം ഒരു നാലഞ്ച് മിനിറ്റ് പാകം ചെയ്യുക.
നേരത്തെ പൊടിച്ച് വെച്ച മസാല കൂടെ ഇതിലേയ്ക്ക് ചേർത്ത് ഇളക്കി എണ്ണ തെളിഞ്ഞ് വരുന്നത് വരെ പാകം ചെയ്യണം.