ഇന്ന് സ്പെഷ്യൽ ഇത് തന്നെ ആയിക്കോട്ടെ !


ചേരുവകൾ
ബ്രഡ്: 8 - 10 സ്ലൈസ്
നേന്ത്രപ്പഴം: 2
തേങ്ങ: ഒരു കപ്പ്
പഞ്ചസാര: 1/4 - 1/2 കപ്പ്
അണ്ടിപ്പരിപ്പ് & ഉണക്ക മുന്തിരി: ആവശ്യത്തിന്
ഏലക്കപ്പൊടി: 1/2 ടീസ്പൂൺനെയ്യ്: 2 ടേബ്ൾ സ്പൂൺ
മുട്ട: 4
പാൽ അല്ലെങ്കിൽ തേങ്ങാപ്പാൽ: 1/2 കപ്പ്
ഉപ്പ്: ഒരു നുള്ള്
തയാറാക്കുന്ന വിധം
ഒരു പാനിലേക്ക് നെയ്യ് ചേർത്ത് പഴം അരിഞ്ഞതും ചേർത്തു വഴറ്റുക. ശേഷം തേങ്ങ, പഞ്ചസാര, ഏലക്കപ്പൊടി, അണ്ടിപ്പരിപ്പ്, മുന്തിരി എന്നിവ ചേർത്ത് നന്നായി വഴറ്റി എടുക്കുക. മുട്ട, പാൽ, ഉപ്പ്, ഏലക്കപ്പൊടി എന്നിവ നന്നായി അടിച്ചെടുക്കുക. ഒരു നോൺ സ്റ്റിക്ക് പാൻ ചൂടാക്കി കുറച്ചു നെയ്യ് തടവുക.
ഇനി ഓരോ ബ്രഡ് സ്ലൈസ് മുട്ട, പാലിൽ മുക്കി എടുത്ത് ഒരു ലെയർ വെക്കുക. സൈഡിലും ബ്രഡ് വെച്ചുകൊടുക്കണം. ശേഷം ഫില്ലിങ് വെക്കുക. ഇനി ഇതിന്റെ മേലെ വീണ്ടും ബ്രഡ് സ്ലൈസ് പാലിൽ മുക്കി ലെയർ ആക്കി വെച്ചുകൊടുക്കുക.
ബാക്കി പാൽ സൈഡിലും മുകളിലുമായി ഒഴിച്ചുകൊടുക്കുക. ഒരു തവ ചൂടാക്കി അതിന്റെ മേൽ പോള സെറ്റ് ചെയ്ത പാൻ വെച്ചു മീഡിയം തീയിൽ 20 - 25 മിനിറ്റ് വേവിക്കുക. അതിനുശേഷം ഒരു പാനിൽ കുറച്ചു നെയ്യ് തടവി പോള അതിന് മേൽ കമിഴ്ത്തി ഇട്ട് മുകൾഭാഗം കൂടി ഒന്ന് മൊരിച്ചെടുക്കുക. ഒന്ന് തണുത്തശേഷം മുറിച്ചെടുക്കാം.
