.jpg)
പപ്പായ കൊണ്ട് ഇങ്ങനെ ഒരു അച്ചാറോ? രുചിയിൽ ഞെട്ടിക്കുന്ന ഒരു വെറൈറ്റി റെസിപ്പി
നാരങ്ങ പത്തെണ്ണം
പപ്പായ ഒരെണ്ണം
മഞ്ഞപ്പൊടി – അര ടിസ്പൂൺ
മുളക് പൊടി കാൽ കപ്പു
ഉലുവ ഒരു ടിസ്പൂൺ
കായം അര ടിസ്പൂൺ
വിനാഗിരി 300 ml
ഉപ്പ് ആവശ്യത്തിനു
കറിവേപ്പില ആവശ്യത്തിനു
കടുക് ഒരു ടിസ്പൂൺ
നല്ലെണ്ണ
ആദ്യം തന്നെ നാരങ്ങ നന്നായി പിഴിഞ്ഞ് നീരെടുക്കുക വലിയ നാരങ്ങ വേണം കേട്ടോ കാരണം നീര് കുറയരുത്
അടുത്തതായി പപ്പായ പച്ച പപ്പായ വേണം ഇത് നന്നായി തൊലി കളഞ്ഞു കുരുവും കളഞ്ഞു മാങ്ങ ഒക്കെ അച്ചാർ ഇടാൻ നുറുക്കും പോലെ ചെറുതായി നുറുക്കണം..അതിനു ശേഷം ഇത് നന്നായി കഴുകി വെള്ളം വാലാൻ വയ്ക്കണം നന്നായി വെള്ളം പോയതിനു ശേഷം പപ്പായയിലെയ്ക്ക് നാരങ്ങാ നീര് ഒഴിച്ച് ഒരു സ്പൂൺ കൊണ്ട് മിക്സ് ചെയ്യുക…ഇതിലേയ്ക്ക് പാകത്തിന് ഉപ്പും ചേർത്ത് ഇളക്കുക ഇത് രണ്ടു മൂന്നു ദിവസം ഫ്രിഡ്ജിൽ വയ്ക്കാം അതിനു ശേഷം അച്ചാർ ഉണ്ടാക്കിയാൽ മതി
അടുത്തതായി അച്ചാർ പൊടി ഉണ്ടാക്കാം ഇതിനായി അഞ്ചു ടിസ്പൂൺ മുളക് പൊടിയും ഉലുവ വറുത്തു പൊടിച്ചത് ഒരു ടിസ്പൂൺ ..കായം വറുത്തു പൊടിച്ചത് ഒരു ടിസ്പൂൺ ഇതെല്ലാം കൂടി നന്നായി മിക്സ് ചെയ്തു വയ്ക്കാം
ഇനി അടുത്തതായി മൂന്നു ദിവസം ഫ്രിഡ്ജിൽ വച്ച പപ്പായ പുറത്തെടുത്തു വയ്ക്കാം
ഒരു ചീനച്ചട്ടി അടുപ്പതുവച്ചു നല്ലെണ്ണ ഒഴിക്കുക കുറഞ്ഞത് ഇരുനൂറു ഗ്രാം നല്ലെണ്ണ എങ്കിലും എടുക്കുക കുറയരുത് …എണ്ണ ഒഴിച്ച് ചൂടാകുമ്പോൾ ഇതിലേയ്ക്ക് ഒരു ടിസ്പൂൺ കടുക് ഇട്ടു പൊട്ടിക്കുക ..അതിനുശേഷം ഇതിലേയ്ക്ക് രണ്ടു മൂന്നു വറ്റൽ മുളക് കീറി ഇട്ടു മൂപ്പിക്കുക …അതിനുശേഷം കറിവേപ്പില ഇട്ടു മൂപ്പിക്കാം ഇത് മൂത്ത് കഴിയുമ്പോൾ അര ടിസ്പൂൺ മഞ്ഞപ്പൊടിയും ഉണ്ടാക്കി വച്ച അച്ചാർ പൊടിയും ഇതിലേയ്ക്ക് ഇട്ടു ഒന്ന് മൂപ്പിച്ചിട്ട് ( കരിഞ്ഞു പോകരുത് ) ഇതിലേയ്ക്ക് പപ്പായ ചേർക്കാം… നന്നായി മിക്സ് ചെയ്യാം അതിനുശേഷം ഇനി ഇതിലേയ്ക്ക് വിനാഗിരി ചേർക്കാം 250/300 ml വരെ വിനാഗിരി ചേർക്കാം …പപ്പായ കൂടുതൽ എടുത്താൽ അതിനനുസരിച്ച് എല്ലാം കൂട്ടി ചേർക്കുക.ഇനി നന്നായി മിക്സ് ചെയ്തു ഇറക്കി വയ്ക്കാം …ഇനി ചൂടാറുമ്പോൾ കുപ്പിയിലാക്കി സൂക്ഷിക്കാം …