.jpg)
പക്കാവട ഇത്ര എളുപ്പമായിരുന്നോ? മിനിറ്റുകൾക്കുള്ളിൽ തയ്യാറാക്കാം
ആവശ്യമായ ചേരുവകൾ
കടലമാവ്: 1 കപ്പ്
അരിപ്പൊടി (വറുത്തത്): 1/2 കപ്പ്
മുളകുപൊടി: 1 ടീസ്പൂൺ (എരിവിനനുസരിച്ച് മാറ്റാം)
കായം: 1/4 ടീസ്പൂൺ
മഞ്ഞൾപ്പൊടി: 1/4 ടീസ്പൂൺ
ചൂടുള്ള വെളിച്ചെണ്ണ/വെണ്ണ: 1 ടേബിൾ സ്പൂൺ (മൊരിഞ്ഞു കിട്ടാൻ ഇത് നിർബന്ധമാണ്)
കറിവേപ്പില: കുറച്ച് (ചെറുതായി അരിഞ്ഞത്)
tRootC1469263">ഉപ്പ്: ആവശ്യത്തിന്
വെള്ളം: മാവ് കുഴക്കാൻ ആവശ്യത്തിന്
വെളിച്ചെണ്ണ: വറുത്തെടുക്കാൻ
തയ്യാറാക്കുന്ന വിധം
മാവ് തയ്യാറാക്കാം: ഒരു വലിയ പാത്രത്തിൽ കടലമാവ്, അരിപ്പൊടി, മുളകുപൊടി, മഞ്ഞൾപ്പൊടി, കായം, ഉപ്പ്, അരിഞ്ഞ കറിവേപ്പില എന്നിവ ചേർത്ത് നന്നായി ഇളക്കുക.
മൊരിവ് കിട്ടാൻ: ഇതിലേക്ക് ഒരു ടേബിൾ സ്പൂൺ ചൂടുള്ള വെളിച്ചെണ്ണ ഒഴിക്കുക. ഇത് മാവിനെ നല്ല ക്രിസ്പിയാക്കാൻ സഹായിക്കും.
കുഴയ്ക്കുക: കുറേശ്ശെ വെള്ളം ഒഴിച്ച് ചപ്പാത്തി മാവിനേക്കാൾ അല്പം കൂടി ലൂസായ (ഇടിയപ്പത്തിന്റെ മാവ് പോലെ) രീതിയിൽ കുഴച്ചെടുക്കുക. അധികം മുറുക്കം ഉണ്ടാകരുത്.
വറുക്കാം: ഒരു ചീനച്ചട്ടിയിൽ വെളിച്ചെണ്ണ ചൂടാക്കുക. സേവനാഴിയിൽ പക്കാവടയുടെ അച്ച് (നീളത്തിലുള്ള വരയുള്ള അച്ച്) ഇട്ട് മാവ് നിറയ്ക്കുക.
ചുടുക: എണ്ണ നന്നായി ചൂടായിക്കഴിഞ്ഞാൽ തീ ഇടത്തരം (Medium flame) ആക്കി വെച്ച് നേരിട്ട് എണ്ണയിലേക്ക് ചുറ്റിച്ചൊഴിക്കുക.
മൊരിയിക്കുക: ഒരു വശം മൊരിഞ്ഞു വരുമ്പോൾ മറിച്ചിടുക. കുമിളകൾ അടങ്ങി ഗോൾഡൻ ബ്രൗൺ നിറമാകുമ്പോൾ കോരിയെടുക്കാം.