രാവിലെ ഊർജ്ജം പകരാൻ ഒരു കിടിലൻ ഓട്‌സ് ഉപ്പുമാവ്

ചേരുവകൾ

    ഓട്‌സ് – 1 കപ്പ്

    സവാള – 1 എണ്ണം, ചെറുതായി അരിഞ്ഞത്

    കാരറ്റ് – 1 ചെറിയത്, അരിഞ്ഞത്

    പച്ചമുളക് – 2 എണ്ണം

    ഇഞ്ചി – ½ ടീസ്പൂൺ, അരിഞ്ഞത്

    കടുക് – ½ ടീസ്പൂൺ

    ഉഴുന്നുപരിപ്പ് – 1 ടീസ്പൂൺ

    കറിവേപ്പില – ആവശ്യത്തിന്

    വെള്ളം – 1½ കപ്പ്

    എണ്ണ – 1–2 ടേബിൾസ്പൂൺ

    ഉപ്പ് – ആവശ്യത്തിന്

    നാരങ്ങാനീര് – 1 ടീസ്പൂൺ

തയ്യാറാക്കുന്ന വിധം

    ആദ്യം ഓട്‌സ് ഒരു പാനിൽ 2–3 മിനിറ്റ് ചെറുതായി വറുത്തെടുക്കുക. നിറം മാറേണ്ടതില്ല. മാറ്റിവയ്ക്കുക.

    പാനിൽ എണ്ണ ചൂടാക്കി കടുക് പൊട്ടിക്കുക. ഉഴുന്നുപരിപ്പ്, കറിവേപ്പില, പച്ചമുളക്, ഇഞ്ചി എന്നിവ ചേർത്ത് വഴറ്റുക.

    സവാളയും കാരറ്റും ചേർത്ത് 2–3 മിനിറ്റ് വഴറ്റുക.

    വെള്ളവും ഉപ്പും ചേർത്ത് തിളപ്പിക്കുക.

    വറുത്ത ഓട്‌സ് പതുക്കെ ചേർത്ത് തുടർച്ചയായി ഇളക്കുക.

    മൂടിവെച്ച് 3–5 മിനിറ്റ് കുറഞ്ഞ തീയിൽ വേവിക്കുക.

    അവസാനം നാരങ്ങാനീര് ചേർത്ത് ഇളക്കി ഓഫ് ചെയ്യുക.