ഒരു ഓട്സ് സ്മൂത്തി പരീക്ഷിക്കാം

ചേരുവകള്‍

    ഓട്സ് -രണ്ട് സ്പൂണ്‍
    പാല്‍-ഒരു കപ്പ്
    ബ്ലൂബെറി -കാല്‍ കപ്പ്
    സ്ട്രോബറി-2
    ബദാം -3
    ഈന്തപ്പഴം -3
    ചിയ സീഡ്സ്-കാല്‍ ടീസ്പൂണ്‍

പാചകരീതിയിലേയ്ക്ക്

ആദ്യം ഒരു ബൗളിലേക്ക് കുറച്ച് ഓട്സ് എടുക്കുക. അതിലേക്ക് ഒരു കപ്പ് പാല്‍ ചേര്‍ത്ത് കൊടുക്കണം. ശേഷം ഇതിലേക്ക് ആവശ്യത്തിനുള്ള ബ്ലൂബെറി, സ്ട്രോബറി, ബദാം എന്നിവ ചേര്‍ക്കുക. ശേഷം നാലഞ്ച് ഈന്തപ്പഴവും കുരു കളഞ്ഞശേഷം കൂടെ ചേര്‍ത്തു കൊടുക്കാം. പിന്നീട് ഇതെല്ലാം മിക്സിയില്‍ ഇട്ട് നന്നായി അടിച്ചെടുക്കുക. തുടര്‍ന്ന് പാത്രത്തിലേക്ക് മാറ്റുക. ശേഷം അതിന്റെ പുറത്ത് അല്‍പ്പം ചിയ സീഡ്സും വിതറാം. ഇനി ഹെല്‍ത്തി ആയിട്ടുള്ള സ്മൂത്തി കുടിക്കാം.