നെയ്യിന്റെ മണം തുളമ്പുന്ന നാടൻ നെയ്ച്ചോർ: എളുപ്പത്തിൽ തയ്യാറാക്കാം

ആവശ്യമുള്ള സാധനങ്ങൾ

ബസ്മതി അരി- 2 കപ്പ്‌

നെയ്‌ – 6 സ്പൂൺ

അണ്ടിപ്പരിപ്പ്‌ – 12 എണ്ണം

ഉണക്ക മുന്തിരി- ഒരു പിടി

നീളത്തിൽ അരിഞ്ഞ സവാള- 3 കപ്പ്‌

ഗ്രാമ്പു-2 എണ്ണം

കറുവ പട്ട- ഒരു ചെറിയ കഷ്ണം

ഏലയ്ക്ക- 2 എണ്ണം

ഉപ്പ്‌- ആവശ്യത്തിനു

വെള്ളം – 4 കപ്പ്‌

പാചകം ചെയുന്ന വിധം
അരി കഴുകി വെള്ളം വാർന്നു പോകാൻ വെക്കുക. ഒരു പത്രത്തിൽ നെയ്‌ ഒഴിച്ച് ചൂടാകുമ്പോൾ കറുവാപട്ട, ഗ്രാമ്പു. ഏലയ്ക്ക ഇവ ഇട്ടു മൂപ്പിക്കുക. ഇതിലേക്ക് നീളത്തിൽ അരിഞ്ഞ സവാള ഇട്ടു വഴറ്റുക. വഴന്നു വരുമ്പോൾ വെള്ളം വാലാൻ വെച്ചിരിക്കുന്ന അരിയും കൂടെ ഇട്ടു തുടരെ ഇളക്കുക. അരി നല്ലപോലെ മൂത്ത് കഴിയുമ്പോൾ വെള്ളവും ഉപ്പും ചേർത്ത അടച്ചു വെച്ച് ചെറു തീയിൽ വേവിക്കുക. വെള്ളം വറ്റി തോർന്നു വരുമ്പോൾ ചോറ് ഇളക്കി കുടഞ്ഞു എടുക്കുക. നല്ല നെയ്ച്ചോർ തയ്യാർ.