നാടൻ രുചിയിൽ എരിവുള്ള മൈസൂർ മസാല ദോശ

ചേരുവകൾ

ദോശയ്ക്ക്

    ദോശ മാവ് – 2 കപ്പ്

    ഉപ്പ് – ആവശ്യത്തിന്

    എണ്ണ/നെയ്യ് – ആവശ്യത്തിന്

മസാലയ്ക്ക്

    ഉരുളക്കിഴങ്ങ് – 3 എണ്ണം

    സവാള – 1

    പച്ചമുളക് – 2

    ഇഞ്ചി – 1 ചെറിയ കഷണം

    കടുക് – ½ ടീസ്പൂൺ

    കറിവേപ്പില – കുറച്ച്

    മഞ്ഞൾപ്പൊടി – ¼ ടീസ്പൂൺ

    ഉപ്പ് – ആവശ്യത്തിന്

മൈസൂർ ചട്ണിക്ക്

    ഉണക്കമുളക് – 4

    വറുത്ത കടല – 2 ടേബിൾസ്പൂൺ

    വെളുത്തുള്ളി – 2 അല്ലി

    തേങ്ങ – 2 ടേബിൾസ്പൂൺ

    പുളി – ചെറിയ കഷണം

    ഉപ്പ് – ആവശ്യത്തിന്

തയ്യാറാക്കുന്ന വിധം

    ഉരുളക്കിഴങ്ങ് വേവിച്ച് ഉടച്ച് വയ്ക്കുക. എണ്ണയിൽ കടുക് പൊട്ടിച്ച് കറിവേപ്പില, ഇഞ്ചി, പച്ചമുളക്, സവാള എന്നിവ വഴറ്റുക. മഞ്ഞൾപ്പൊടിയും ഉരുളക്കിഴങ്ങും ഉപ്പും ചേർത്ത് മസാല തയ്യാറാക്കുക.

    ചട്ണിയുടെ എല്ലാ ചേരുവകളും കുറച്ച് വെള്ളം ചേർത്ത് നന്നായി അരയ്ക്കുക.

    ചൂടായ തവയിൽ ദോശ മാവ് നേർത്തതായി പരത്തി എണ്ണ/നെയ്യ് ഒഴിക്കുക.

    മുകളിൽ മൈസൂർ ചട്ണി പുരട്ടി, നടുവിൽ ഉരുളക്കിഴങ്ങ് മസാല വയ്ക്കുക.

    ദോശ ക്രിസ്പിയായി വന്നാൽ മടക്കി ചൂടോടെ വിളമ്പാം.