.jpg)
മുരിങ്ങക്ക തോരൻ ഇങ്ങനെ ഒന്ന് ഉണ്ടാക്കി നോക്കൂ; മറ്റ് കറികൾ മാറി നിൽക്കും
മുരിങ്ങക്ക തോരൻ ആരോഗ്യത്തിന് വളരെ നല്ലതാണ്. രോഗ പ്രതിരോധ ശേഷി വർധിപ്പിക്കാനും കൊളസ്ട്രോളും രക്തസമ്മർദ്ദവും കുറയ്ക്കാനും ഒക്കെ സഹായകരമാണ്. വളരെ എളുപ്പത്തിൽ മുരിങ്ങക്ക തോരൻ ഉണ്ടാക്കാൻ കഴിയും;. എങ്ങനെ ഉണ്ടാക്കാമെന്ന് നോക്കാം.
ആവശ്യ സാധനങ്ങൾ:
മുരിങ്ങക്ക – 2 എണ്ണം
തേങ്ങ ചിരകിയത് – 1/2 കപ്പ്
ചെറിയ ഉള്ളി – 3-4 എണ്ണം
ജീരകം – 1/4 ടീസ്പൂൺ
കടുക്, ഉഴുന്ന് പരിപ്പ്, കറിവേപ്പില, വറ്റൽമുളക്, മഞ്ഞൾപ്പൊടി, മുളകുപൊടി, ഉപ്പ്, എണ്ണ – ആവശ്യത്തിന്
ഉണ്ടാക്കുന്ന രീതി:
മുരിങ്ങക്ക ചെറുതായി അരിഞ്ഞെടുക്കുക.ആദ്യം ഒരു പാനിൽ എണ്ണ ഒഴിച്ച് ചൂടാകുമ്പോൾ കടുക്, ഉഴുന്ന് പരിപ്പ്, കറിവേപ്പില, വറ്റൽമുളക് എന്നിവ ഇട്ട് മൂപ്പിക്കുക. ശേഷം അരിഞ്ഞു വെച്ച മുരിങ്ങക്കയും മഞ്ഞൾപ്പൊടി, മുളകുപൊടി, ഉപ്പ് എന്നിവയും ചേർത്ത് നന്നായി വഴറ്റുക. അതിലേക്ക് അല്പം വെള്ളം ഒഴിച്ച് മൂടി വെച്ച് വേവിക്കുക.
തേങ്ങ ചിരകിയത്, ജീരകം, ചെറിയ ഉള്ളി എന്നിവ ചതച്ചത് ഇതിലേക്ക് ചേർത്ത് നന്നായി യോജിപ്പിച്ച് ഇളക്കി വെള്ളം വറ്റുന്നത് വരെ വേവിച്ചെടുക്കാം.
