നാലുമണി പലഹാരമായി തയ്യാറാക്കാം മസാല വട

ചേരുവകൾ

    കടല പരിപ്പ് – 1 കപ്പ്
    കറുവപ്പട്ട  – ചെറിയ കഷ്ണം
    പച്ചമുളക് – 3എണ്ണം
    വെളുത്തുള്ളി – 3 അല്ലി
    ഇഞ്ചി – ചെറിയ കഷ്ണം
    പെരുംജീരകം – 1 ടീസ്പൂൺ
    സവാള -1 അരിഞ്ഞത്
    കറിവേപ്പില – അരിഞ്ഞത് ആവശ്യത്തിന്
    മല്ലിയില – അരിഞ്ഞത് ആവശ്യത്തിന്
    കായപ്പൊടി – 1/8 ടീസ്പൂൺ
    ഉപ്പ് – 1/2 ടീസ്പൂൺ
    എണ്ണ – വറുക്കാൻ അവിശ്യത്തിന്

തയാറാക്കുന്ന വിധം

    പരിപ്പ് 3 മണിക്കൂർ കുതിർക്കാൻ ഇടുക .
     ഒരു മിക്സിയുടെ ജാറിൽ കറുവപ്പട്ട, ഇഞ്ചി, വെളുത്തുള്ളി, പച്ചമുളക്, പെരുംജീരകം എന്നിവ തരുതരിപ്പായി അരച്ചെടുക്കുക, അതിലേക്ക്  കുതിർത്ത പരിപ്പ് പരിപ്പ് ചേർത്ത് അരച്ചെടുക്കുക , കുറച്ച് തരുതരിപ്പായി വേണം അരച്ചെടുക്കാൻ
    അരച്ചെടുത്ത കൂട്ടിലേക്ക് സവാള അരിഞ്ഞത്, കായപ്പൊടി, കറിവേപ്പില, മല്ലിയില , ഉപ്പ് ചേർത്ത് മിക്സ് ചെയ്‌ത് പരിപ്പ് വടയുടെ ആകൃതിയിൽ പരത്തി എടുത്ത് ചൂടായ എണ്ണയിൽ വറുത്തെടുക്കുക . രുചികരമായ മസാല വട റെഡി.