പേരയ്ക്ക കൊണ്ട് ഒരു ജെല്ലി ഉണ്ടാക്കിയാലോ

ആവശ്യമായ ചേരുവകൾ

പേരയ്ക്ക, പഴുത്തു മൃദുവായത് – ഏഴ്
വെള്ളം – അഞ്ചു കപ്പ്
നാരങ്ങാനീര് – മൂന്നു വലിയ സ്പൂണ്‍
പഞ്ചസാര – മൂന്നു കപ്പ്

ഉണ്ടാക്കുന്ന വിധം

ആദ്യം പേരയ്ക്ക ചെറിയ കഷണങ്ങളായി മുറിക്കുക. ഇത് വെള്ളം ചേർത്ത് 10 -15 മിനിറ്റ് വേവിക്കാം. ശേഷം നന്നായി ഉടച്ചെടുത്ത് അരിച്ചു പൾപ്പും ജ്യൂസും മാത്രം എടുക്കണം. ഇത് പാനിലാക്കി നാരങ്ങാനീര് ചേർത്തു യോജിപ്പിക്കുക. ഒരു കപ്പ് മിശ്രിതത്തിന് ഒരു കപ്പ് പഞ്ചസാര എന്ന കണക്കു പ്രകാരം ചേർത്ത് അടുപ്പത്തു വച്ച് തുടരെയിളക്കണം. നന്നായി ഇളക്കിയില്ലെങ്കിൽ ജെല്ലി കട്ടിയായിപ്പോകും.