കൊതിയൂറുന്ന കൊത്തു പൊറോട്ട വീട്ടിൽ തയ്യാറാക്കാം..

വളരെ കുറഞ്ഞ സമയംകൊണ്ട് കൊത്തുപൊറോട്ട വീട്ടിൽ തന്നെ നമുക്ക് തയ്യാറാക്കിയാലോ ...

ചേരുവകൾ

പൊറോട്ട- 5

സവാള- 2

പച്ചമുളക്- 5

തക്കാളി- 2

കുരുമുളക് പൊടി- 2 ടേബിള്‍ സ്പൂണ്‍
മുട്ട- 3

ചിക്കന്‍- ഉപ്പും കുരുമുളക് പൊടിയും ചേര്‍ത്ത് വേവിച്ചുടച്ചത്- കാല്‍കിലോ

ഉപ്പ്, എണ്ണ - ആവശ്യത്തിന്

കറിവേപ്പില- മൂന്ന് തണ്ട്

മല്ലിയില- ഒരു പിടി

തയ്യാറാക്കുന്ന വിധം

പൊറോട്ട ചെറുതായി മുറിച്ചെടുക്കണം. പിന്നീട് ഒരു ചട്ടിയില്‍ എണ്ണ ഒഴിച്ച് മുറിച്ച് വെച്ച പൊറോട്ട മൊരിയിച്ചെടുക്കണം. മൊരിയിച്ചെടുത്ത പൊറോട്ട വേറൊരു പാത്രത്തിലേക്ക് മാറ്റി വെക്കാം. അതേ ചട്ടിയില്‍ കുറച്ച് എണ്ണ ഒഴിച്ച് ഇതിലേക്ക് സവാള, പച്ചമുളക്, കറിവേപ്പില, തക്കാളി എന്നിവ ചേര്‍ത്ത് നല്ലതു പോലെ വഴറ്റിയെടുക്കാം.

നന്നായി വഴറ്റിക്കഴിയുമ്പോള്‍ ഇതിലേക്ക് ഉപ്പ്, കുരുമുളക് പൊടി എന്നിവ ചേര്‍ക്കാം. ശേഷം മുട്ടയും തയ്യാറാക്കി വെച്ചിരിക്കുന്ന ചിക്കനും ചേര്‍ക്കാം. ഇവയെല്ലാം കൂടി നല്ലതു പോലെ മിക്സ ആയി വരുമ്പോള്‍ ഇതിലേക്ക് മൊരിയിച്ച് വെച്ചിരിക്കുന്ന പൊറോട്ട കൂടി ചേര്‍ക്കാം. സ്വാദിനായി അല്‍പം മല്ലിയില കൂടി ചേര്‍ക്കാം. ചൂടോട് കൂടി തന്നെ നല്ല ചിക്കന്‍ കൊത്തു പൊറോട്ട കഴിക്കാവുന്നതാണ്.