നാടൻ മസാലയിൽ പൊതിഞ്ഞ കക്കയിറച്ചിയുടെ അടിപൊളി രുചി

ചേരുവകൾ
കക്കയിറച്ചി – 1/2 കിലോ (വിനാഗിരി ഒഴിച്ച് കഴുകി വൃത്തിയാക്കിയത്)
സവാള – 1 എണ്ണം (അരിഞ്ഞത്)
തക്കാളി – 1 എണ്ണം (അരിഞ്ഞത്)
ഇഞ്ചി – 1 ചെറിയ കഷ്ണം (ചതച്ചതോ അരിഞ്ഞതോ)
വെളുത്തുള്ളി – 5 അല്ലി
പച്ചമുളക് – 3 എണ്ണം
വെളിച്ചെണ്ണ – 3 ടേബിൾ സ്പൂൺ
കടുക്, വറ്റൽ മുളക് – താളിക്കാൻ ആവശ്യത്തിന്
പെരുംജീരകം – 1 ടീ സ്പൂൺ
ചെറിയ ജീരകം – 1 ടീ സ്പൂൺ
കാശ്മീരി മുളകുപൊടി – 2 ടീ സ്പൂൺ
കുരുമുളക് പൊടി – 1 ടീ സ്പൂൺ
മഞ്ഞൾപ്പൂടി – 1 ടീ സ്പൂൺ
മീറ്റ് മസാല – 1 ടീ സ്പൂൺ
വിനാഗിരി (Vinegar) – 2 ടീ സ്പൂൺ
കറിവേപ്പില – ആവശ്യത്തിന്
ഉപ്പ് – പാകത്തിന്
തയ്യാറാക്കുന്ന വിധം
സ്റ്റെപ്പ് 1: കക്കയിറച്ചി വേവിക്കൽ
കഴുകി വൃത്തിയാക്കിയ കക്കയിറച്ചി പ്രഷർ കുക്കറിലേക്ക് മാറ്റി അല്പം വെള്ളം ചേർത്ത് വേവിച്ചെടുക്കുക.
വെന്തു കഴിഞ്ഞാൽ വെള്ളം മുഴുവൻ പൂർണ്ണമായി ഊറ്റി കളഞ്ഞ് (കക്കയിറച്ചി നന്നായി പിഴിഞ്ഞ്) മാറ്റിവെക്കുക (ഇങ്ങനെ ചെയ്താൽ കക്കയുടെ അരിച്ചർച്ചയും മണവും പൂർണ്ണമായും ഒഴിവാക്കാം).
സ്റ്റെപ്പ് 2: മസാല വഴറ്റലും കക്ക ഫ്രൈ ചെയ്യലും
ഒരു പാനിൽ വെളിച്ചെണ്ണ ഒഴിച്ച് ചൂടാക്കുക. എണ്ണ ചൂടാകുമ്പോൾ കടുക്, വറ്റൽ മുളക്, പെരുംജീരകം, ചെറിയ ജീരകം, കറിവേപ്പില എന്നിവ ചേർത്ത് പൊട്ടിക്കുക.
ഇതിലേക്ക് അരിഞ്ഞു വെച്ച സവാള ചേർത്ത് വഴറ്റുക. സവാള വഴന്നു വരുമ്പോൾ ഇഞ്ചി, വെളുത്തുള്ളി, തക്കാളി എന്നിവ കൂടി ചേർത്ത് നന്നായി വഴറ്റുക.
തക്കാളിയും ഉള്ളിയും നന്നായി ഉടഞ്ഞു വരുമ്പോൾ കാശ്മീരി മുളകുപൊടി, കുരുമുളക് പൊടി, മഞ്ഞൾപ്പൂടി, മീറ്റ് മസാല എന്നിവ ചേർത്ത് പൊടികളുടെ പച്ചമണം മാറുന്നതുവരെ നന്നായി ഇളക്കുക.
സ്റ്റെപ്പ് 3: ഫിനിഷിംഗ്
ഇനി വേവിച്ചു വെച്ചിരിക്കുന്ന കക്കയിറച്ചിയും പാകത്തിന് ഉപ്പും വിനാഗിരിയും ചേർത്ത് നന്നായി ഇളക്കി യോജിപ്പിക്കുക.
ഇത് ചെറിയ തീയിൽ വെച്ച് നന്നായി മൊരിഞ്ഞു വരുന്നതുവരെ ഫ്രൈ ചെയ്തെടുക്കുക.
അവസാനമായി അല്പം കറിവേപ്പിലയും പച്ചമുളകും കൂടി ചേർത്ത് നന്നായി ഇളക്കി തീ ഓഫ് ചെയ്യാം.
ചൂടുള്ള ചോറിനൊപ്പമോ കപ്പയ്ക്കൊപ്പമോ കഴിക്കാൻ ഏറ്റവും മികച്ച കൊതിപ്പിക്കുന്ന നാടൻ കക്കയിറച്ചി ഫ്രൈ തയ്യാർ!