ചക്ക കൊണ്ട് ഇങ്ങനെ ഒരു സംഭവം ഉണ്ടാക്കാമോ?

ചേരുവകൾ

മധുരമുള്ള ചക്കപ്പഴം- 250 ഗ്രാം

പഞ്ചസാര- 100 ഗ്രാം

പൊടിച്ച പഞ്ചസാര- 50 ഗ്രാം

വിപ്പിങ് ക്രീം- 250 മില്ലി

കട്ടിയുള്ള തേങ്ങാപ്പാല്‍- 250 മില്ലി

തയ്യാറാക്കുന്ന വിധം

ആദ്യം ചക്ക കുരുനീക്കണം. ശേഷം ചെറുതായി അരിയുക. തുടർന്ന് പഞ്ചസാര ചേര്‍ത്ത് ചെറുതീയില്‍ വേവിക്കണം. തണുത്ത ശേഷം മിക്‌സിയിലടിക്കണം. ശേഷം മൂടി വയ്ക്കാം. വിപ്പിങ് ക്രീമും തേങ്ങാപ്പാലും പൊടിച്ച പഞ്ചസാരയും ചേര്‍ത്ത് അടിച്ച് എടുക്കുന്നതാണ് അടുത്ത ഘട്ടം. ശേഷം തയ്യാറാക്കി വച്ചിരിക്കുന്ന ചക്ക മിശ്രിതം ചേര്‍ത്ത് വീണ്ടും അടിച്ചെടുക്കുക. ഇത് പാത്രത്തിലാക്കി ഫ്രീസറില്‍ വയ്ക്കാം. കട്ടിയായാല്‍ വീണ്ടും പുറത്തെടുത്ത് മിക്‌സിയിലടിച്ച് വീണ്ടും ഫ്രീസറില്‍ വയ്ക്കാം.