വീട്ടിലുണ്ടാക്കാം റെസ്റ്റോറന്റ് സ്റ്റൈൽ ഇറ്റാലിയൻ പിസ

Whatsapp Group

എണ്ണ – മൂന്നു ടേബിൾ സ്പൂൺ

മൊസരല്ല ചീസ്‌-200 ഗ്രാം

ടോമാടോ സോസ് -അഞ്ച് ടേബിൾ സ്പൂൺ

കാപ്സിക്കം – ഒരെണ്ണം ചതുരക്കഷണങ്ങൾ ആക്കിയത്
(പച്ച,മഞ്ഞ ഏതെങ്കിലും)

വെളുത്തുള്ളി -രണ്ടല്ലി ചെറുതായി നുറുക്കിയത്

സവാള -ഒരെണ്ണം ചതുരക്കഷണങ്ങൾ ആക്കിയത്

തക്കാളി -ഒരെണ്ണം ചതുരക്കഷണങ്ങൾ ആക്കിയത്

എല്ലില്ലാത്ത ചിക്കൻ -ചെറുതായി നുറുക്കിയത്

ഒലിവ്(ബ്ലാക്ക്‌ അല്ലെങ്കിൽ ഗ്രീൻ )-വട്ടത്തിൽ അരിഞ്ഞത്‌ (optional)

കുരുമുളക് പൊടി- രണ്ടു വലിയ സ്പൂൺ

വറ്റൽ മുളക് വറുത്തു ക്രഷ് ചെയ്തത് -രണ്ടു ടീ സ്പൂൺ

ഉണ്ടാക്കുന്ന വിധം

സ്റ്റെപ് 1 :രണ്ടു കപ്പ് ഇളം ചൂട് വെള്ളത്തിൽ രണ്ടു ടേബിൾ സ്പൂൺ യീസ്റ്റും ഒരു നുള്ള് പഞ്ചസാരയും ചേർത്ത് കുറച്ചു നേരം യീസ്റ്റ് പൊങ്ങാൻ വെക്കുക .യീസ്റ്റ് നന്നായി പൊങ്ങി വന്നാൽ ,ഒരു വലിയ ബൌൾ എടുത്തു അതിലേക്കു നാല് കപ്പ് മൈദ ,യീസ്റ്റ് ചേർത്ത വെള്ളം,കാൽ ടീ സ്പൂൺ ഒറിഗാനോ ,കാൽ ടീസ്പൂൺ തൈം,രണ്ടു ടീ സ്പൂൺ ഉപ്പ്,രണ്ടു ടീ സ്പൂൺ എണ്ണ എന്നിവ ചേർത്ത് നന്നായി കുഴക്കുക.മാവ് നന്നായി കുഴച്ചതിനു ശേഷം ഒരു നനഞ്ഞ തുണി കൊണ്ട് മൂടി അഞ്ചു മണിക്കൂർ പൊങ്ങാൻ വെക്കുക.

സ്റ്റെപ്2: ഒരു പാൻ അടുപ്പത്ത്‌ വെച്ച് എണ്ണ ഒഴിക്കുക .അതില്ക്ക് വെളുത്തുള്ളി ഇട്ടു വഴറ്റിയ ശേഷം,സവാള,കാപ്സിക്കം ,തക്കാളി,ചിക്കൻ പീസസ് എന്നിവ ഇട്ടുവഴറ്റുക,കൂടെ കുരുമുളക് പൊടി,ഉപ്പ്,വറ്റൽ മുളകു പൊടിച്ചത് ഇവ ചേർത്ത് വാങ്ങി വെക്കുക.

സ്റ്റെപ് 3 : ഒരു ചെറിയ ബൌളിൽ ടൊമാറ്റോ സോസ്,ഉപ്പ്,കുരുമുളക് പൊടി,ഇറ്റാലിയൻ സ്പൈസസ്,വറ്റൽ മുളക് പൊടിച്ചത് ഇവ ചേർത്ത് നന്നായി മിക്സ്‌ ചെയ്യുക.

സ്റ്റെപ്4:അഞ്ചു മണിക്കൂർ കഴിഞ്ഞു മാവ്തുറന്നു നോക്കിയാൽ നമ്മൾ കുഴച്ചു വെച്ചതിന്റെ ഇരട്ടി വലുപ്പം ആയിട്ടുണ്ടാവും..അതിൽ നിന്നും നാല് മീഡിയം സൈസ് പിസക്കുള്ള നാല് ബോൾസ് ഓരോന്നായി ഉരുട്ടി പ്രത്യേകം ആക്കി വെക്കുക.ഒരു ബോൾ എടുത്തു അൽപ്പം മൈദ തൂവി നന്നായി പരത്തി എടുക്കുക.പരത്തിയ പിസ ബേസ്‌ എടുത്തു മൈക്രോ വേവ് ഓവന്റെ അടിയിലത്തെ ടര്നബിൽ പ്ലേറ്റിൽഅൽപ്പം എണ്ണ തൂവിയിട്ടു എടുത്തു വെക്കുക.മൈക്രോ വേവ് ഓവനിൽ എട്ടു മിനുട്ട് സമയം കൊടുത്തു പിസ ബേസ് പാകപ്പെടുത്തി എടുക്കുക.പിസ ബേസ് പുറത്തെടുത്തു ,മുകളിൽ കുറച്ചു ടൊമാറ്റോ സോസ് മിക്സ്‌ പുരട്ടുക,മേലെ കാപ്സിക്കം,ഉള്ളി,തക്കാളി,ചിക്കൻ മിക്സ്‌ നിരത്തുക,മുകളിൽ ആയി.. മൊസരല്ല ചീസ് നിരത്തുക.ഇത് എടുത്തു ഓവന്റെ അടിയിലെ പ്ലേറ്റിൽ വെച്ച് 10 m ബേക്ക് ചെയ്തെടുക്കുക..ടേസ്റ്റി പിസ റെഡി..ബാക്കിയുള്ള ബോള്സും ഇതേ രീതിയിൽ ചെയ്തു പിസ ഉണ്ടാക്കിയെടുക്കുക.