കടകളിൽ കിട്ടുന്നതുപോലെ അല്ല, കിടിലൻ രുചിയിൽ തികച്ചും ആരോഗ്യകരമായ ഹോംമെയ്ഡ് മോമോസ്!

ചേരുവകൾ

മാവ് തയ്യാറാക്കാൻ:

    മൈദ – 1 കപ്പ്

    ഉപ്പ് – ആവശ്യത്തിന്

    വെള്ളം – ആവശ്യത്തിന്

    എണ്ണ – 1 ടീസ്പൂൺ

ഫില്ലിംഗ്:

    ചിക്കൻ – 250 ഗ്രാം, ചെറുതായി അരിഞ്ഞത്

    സവാള – 1 എണ്ണം

    കാബേജ് – ½ കപ്പ്

    കാരറ്റ് – ¼ കപ്പ്

    ഇഞ്ചി-വെളുത്തുള്ളി – 1 ടീസ്പൂൺ

    കുരുമുളകുപൊടി – ½ ടീസ്പൂൺ

    സോയ സോസ് – 1 ടീസ്പൂൺ

    ഉപ്പ് – ആവശ്യത്തിന്

    സ്പ്രിംഗ് ഒണിയൻ/മല്ലിയില – അല്പം

തയ്യാറാക്കുന്ന വിധം

    മൈദയിൽ ഉപ്പും എണ്ണയും ചേർത്ത് വെള്ളം ഉപയോഗിച്ച് മൃദുവായ മാവ് കുഴച്ച് 20 മിനിറ്റ് മൂടിവയ്ക്കുക.

    ഒരു പാനിൽ അല്പം എണ്ണ ചൂടാക്കി ഇഞ്ചി-വെളുത്തുള്ളി ചേർക്കുക.

    സവാള, കാബേജ്, കാരറ്റ് എന്നിവ ചേർത്ത് ഉയർന്ന തീയിൽ വഴറ്റുക.

    ചിക്കൻ, ഉപ്പ്, കുരുമുളകുപൊടി, സോയ സോസ് എന്നിവ ചേർത്ത് ചിക്കൻ നന്നായി വേവുന്നതുവരെ വഴറ്റുക.

    മാവ് ചെറിയ ഉരുളകളാക്കി നേർത്തതായി പരത്തുക.

    നടുവിൽ ചിക്കൻ ഫില്ലിംഗ് വെച്ച് മോമോസ് ആകൃതിയിൽ മടക്കുക.

    സ്റ്റീമറിൽ വെള്ളം തിളപ്പിച്ച് മോമോസ് 10–12 മിനിറ്റ് ആവിയിൽ വേവിക്കുക.

    മോമോസിന്റെ പുറംഭാഗം അല്പം തിളക്കമുള്ളതായാൽ തയ്യാറായി.