മുത്തശ്ശിയുടെ അടുക്കളയിൽനിന്ന് 250-ലേറെ പാചകക്കുറിപ്പുകളിലേക്ക് ; ശ്രദ്ധ നേടി കർണാടകയിലെ യുവതി

 പരമ്പരാഗത പാചകക്കുറിപ്പുകൾ സംരക്ഷിക്കാനുള്ള ശ്രമത്തിലൂടെ ശ്രദ്ധ നേടുകയാണ് കർണാടക സ്വദേശിനിയായ വിസിഷ്ട. നാലാം വയസ്സിൽ മുത്തശ്ശിക്കൊപ്പം അടുക്കളയിൽ പാചകം പഠിച്ചുതുടങ്ങിയ വിസിഷ്ട ഇന്ന് 250-ലേറെ പരമ്പരാഗത വിഭവങ്ങളുടെ പാചകക്കുറിപ്പുകൾ രേഖപ്പെടുത്തിയിട്ടുണ്ട്.

സാധാരണ സ്കൂൾ വിദ്യാഭ്യാസത്തിലൂടെ അല്ല, കുടുംബത്തിന്റെ കൃഷിയിടത്തോടും അടുക്കളയോടും ചേർന്നുനിന്നാണ് പാചകത്തിലെ അറിവ് വളർന്നത്. മുത്തശ്ശി ലക്ഷ്മിയിൽനിന്ന് പഠിച്ച വിഭവങ്ങളും കുടുംബത്തിന്റെ കൃഷിയിടത്തിൽ ലഭിക്കുന്ന ചേരുവകളും ഈ പാചകയാത്രയുടെ ഭാഗമാണ്.

പ്രാദേശിക ഭക്ഷണരീതികളും പഴയ തലമുറ കൈമാറിയ പാചകവിദ്യകളും പുതിയ തലമുറയിലേക്ക് എത്തിക്കുകയാണ് ഈ ശ്രമത്തിന്റെ ലക്ഷ്യം. കാലക്രമേണ മറഞ്ഞുപോകാൻ സാധ്യതയുള്ള പാരമ്പര്യ വിഭവങ്ങൾ രേഖപ്പെടുത്തുന്നതിലൂടെ കുടുംബത്തിന്റെ ഭക്ഷണപൈതൃകം സംരക്ഷിക്കാനും കഴിയുന്നു.