ക്രീമീ ബട്ടർ ഗാർലിക് ചിക്കൻ പാസ്ത

 ആവശ്യമായ ചേരുവകൾ

പാസ്ത തയ്യാറാക്കാൻ

പാസ്ത – 200 ഗ്രാം
വെള്ളം – ആവശ്യത്തിന്
ഉപ്പ് – ആവശ്യത്തിന്
എണ്ണ – 1 ടീസ്പൂൺ

ചിക്കൻ തയ്യാറാക്കാൻ

ബോൺലെസ് ചിക്കൻ – 250 ഗ്രാം
ഉപ്പ് – ആവശ്യത്തിന്
കുരുമുളകുപൊടി – ½ ടീസ്പൂൺ
മുളകുപൊടി – ½ ടീസ്പൂൺ
ഇറ്റാലിയൻ സീസണിങ് – ½ ടീസ്പൂൺ
ബട്ടർ – 1 ടേബിൾസ്പൂൺ

സോസ് തയ്യാറാക്കാൻ

ബട്ടർ – 2 ടേബിൾസ്പൂൺ
വെളുത്തുള്ളി – 1 ടേബിൾസ്പൂൺ, ചെറുതായി അരിഞ്ഞത്
സവാള – 1 ചെറിയത്, അരിഞ്ഞത്
ഫ്രഷ് ക്രീം – ½ കപ്പ്
പാൽ – ¼ കപ്പ്
ചീസ് – ¼ കപ്പ്, ഗ്രേറ്റ് ചെയ്തത്
കുരുമുളകുപൊടി – ½ ടീസ്പൂൺ
ഇറ്റാലിയൻ സീസണിങ് – ½ ടീസ്പൂൺ
ചില്ലി ഫ്ലേക്സ് – ½ ടീസ്പൂൺ
ഉപ്പ് – ആവശ്യത്തിന്
പാർസ്ലി/മല്ലിയില – അലങ്കരിക്കാൻ
തയ്യാറാക്കുന്ന വിധം
ഒരു പാത്രത്തിൽ ആവശ്യത്തിന് വെള്ളം തിളപ്പിച്ച് ഉപ്പും ഒരു ടീസ്പൂൺ എണ്ണയും ചേർക്കുക. പാസ്ത ചേർത്ത് പാക്കറ്റിലെ നിർദേശപ്രകാരം വേവിക്കുക. പാസ്ത വേവിച്ച വെള്ളത്തിൽ നിന്ന് ½ കപ്പ് മാറ്റിവെക്കുക. ശേഷം പാസ്ത അരിച്ചെടുക്കുക.
ചിക്കനിൽ ഉപ്പ്, കുരുമുളകുപൊടി, മുളകുപൊടി, ഇറ്റാലിയൻ സീസണിങ് എന്നിവ ചേർത്ത് നന്നായി പുരട്ടുക.
പാനിൽ ഒരു ടേബിൾസ്പൂൺ ബട്ടർ ചൂടാക്കി ചിക്കൻ ചേർത്ത് ഇരുവശവും നന്നായി ഗോൾഡൻ നിറമാകുന്നതുവരെ വേവിക്കുക. ചിക്കൻ മാറ്റിവെച്ച് ചെറിയ കഷണങ്ങളാക്കുക.
അതേ പാനിൽ രണ്ട് ടേബിൾസ്പൂൺ ബട്ടർ ചേർത്ത് അരിഞ്ഞ വെളുത്തുള്ളി വഴറ്റുക. വെളുത്തുള്ളിയുടെ നല്ല മണം വരുമ്പോൾ സവാള ചേർത്ത് വഴറ്റിയെടുക്കുക.
ഇനി ഫ്രഷ് ക്രീമും പാലും ചേർത്ത് ചെറിയ തീയിൽ ഇളക്കുക. കുരുമുളകുപൊടി, ഇറ്റാലിയൻ സീസണിങ്, ചില്ലി ഫ്ലേക്സ്, ആവശ്യത്തിന് ഉപ്പ് എന്നിവ ചേർക്കുക.
ഗ്രേറ്റ് ചെയ്ത ചീസ് ചേർത്ത് സോസ് കട്ടിയാകുന്നതുവരെ ഇളക്കുക. സോസ് വളരെ കട്ടിയാണെങ്കിൽ മാറ്റിവെച്ച പാസ്ത വെള്ളം കുറച്ച് ചേർക്കാം.
തയ്യാറാക്കിയ ചിക്കൻ സോസിലേക്ക് ചേർത്ത് നന്നായി ഇളക്കുക. ശേഷം വേവിച്ച പാസ്ത ചേർത്ത് സോസിൽ നന്നായി പൊതിയുന്ന രീതിയിൽ മിക്സ് ചെയ്യുക.
മുകളിൽ കുറച്ച് ചില്ലി ഫ്ലേക്സും പാർസ്ലിയോ മല്ലിയിലയോ വിതറി ചൂടോടെ വിളമ്പാം.