ഇനി വീട്ടിൽ തയ്യാറാക്കാം എരിപൊരി ചിക്കൻ
ചേരുവകൾ:
ചിക്കൻ ചെറിയ കഷണങ്ങൾ ആക്കി കട്ട് ചെയ്തത്: ഒരു കിലോ
ഇഞ്ചിയും വെളുത്തുള്ളിയും ചെറിയ ഉള്ളിയും കൂടെ ചതച്ചത്: ഒന്നര ടേബ്ൾ സ്പൂൺ
മഞ്ഞൾ പൊടി: അര ടീസ്പൂൺ
കാശ്മീരി ചില്ലി പൗഡർ: രണ്ട് ടേബ്ൾ സ്പൂൺ
ഗരം മസാല പൊടി: ഒരു ടീസ്പൂൺ
കുരുമുളക് പൊടി: ഒരു ടീസ്പൂൺ
വറ്റൽ മുളക് ചതച്ചത്: ഒരു ടീസ്പൂൺ
ഉപ്പ്: ആവശ്യത്തിന്
എണ്ണ: ഫ്രൈ ചെയ്യാൻ: ആവശ്യത്തിന്
മുട്ട: ഒരെണ്ണം
നാരങ്ങാ നീര്: ഒരു നാരങ്ങ
അരിപ്പൊടി: ഒരു ടേബ്ൾ സ്പൂൺ
പപ്പടം: രണ്ട് എണ്ണം
വറ്റൽ മുളക്: 4,5 എണ്ണം,
കറി വേപ്പില: -ആവശ്യത്തിന്
ഉണ്ടാക്കുന്ന വിധം:
ചെറുതായി മുറിച്ച ചിക്കനിലേക്ക് ഇഞ്ചി, വെളുത്തുള്ളി, ചെറിയ ഉള്ളി എന്നിവ ചതച്ചത്, മഞ്ഞൾ പൊടി, അരിപ്പൊടി, കാശ്മീരി ചില്ലി പൗഡർ, ഗരം മസാല പൊടി, ചതച്ച വറ്റൽ മുളക്, മുട്ട, നാരങ്ങാ നീര് എന്നിവ ആവശ്യത്തിന് ഉപ്പും ചേർത്ത് മസാല തേച്ചു പിടിപ്പിച്ച് രണ്ട് മണിക്കൂറെങ്കിലും മാറ്റി വെക്കുക.
ശേഷം പാൻ ചൂടാക്കി മസാല തേച്ചു വെച്ച ചിക്കൻ ഡീപ് ഫ്രൈ ചെയ്തെടുക്കുക. പപ്പടം നീളത്തിൽ കട്ട് ചെയ്ത് അതേ എണ്ണയിൽ വറുത്തു കോരി വറുത്തെടുത്ത ചിക്കെൻറ മുകളിൽ ഇട്ടു കൊടുക്കുക. കൂടെ വറ്റൽ മുളകും കറി വേപ്പിലയും ചേർത്ത് കൊടുക്കാം. സ്വാദിഷ്ടമായ എരിപൊരി ചിക്കൻ റെഡി.