വൈകുന്നേരത്തേക്ക് എളുപ്പം തയ്യാറാക്കാം ഒരു പലഹാരം

വേണ്ട ചേരുവകൾ

* മട്ടയരി                             2 കപ്പ്
* ക്യാരറ്റ്                           1 എണ്ണം
* തേങ്ങ ചിരകിയത്       2 പിടി
* ജീരകം                        കാൽ ടീസ്പൂൺ
* ഗരം മസാല                3/4 ടീസ്പൂൺ
* മല്ലിയില                     ഒരു പിടി
* പച്ചമുളക്                    1 എണ്ണം
* ഇഞ്ചി                         ചെറിയ കഷ്ണം
* കറിവേപ്പില                2 തണ്ട്
* സവാള                       1 എണ്ണം
*  ഉപ്പ്                               ആവശ്യത്തിന്

തയ്യാറാക്കുന്ന വിധം

ആദ്യം മട്ടയരി വെള്ളത്തിലിട്ട് കുതിർത്ത ശേഷം മിക്സിയിലിട്ട് പൊടിച്ചെടുക്കുക. ഇതിലേക്ക് ചൂടുവെള്ളം ഒഴിച്ച് ഉപ്പും ചേർക്കുക. ശേഷം നല്ലത് പോലെ കുഴച്ചെടുക്കുക. ശേഷം അഞ്ച് മിനുട്ട് നേരം മാറ്റിവയ്ക്കുക. ഇതിലേക്ക് ഒരു ക്യാരറ്റ് ചെറുതായി അരിഞ്ഞതും രണ്ട് പിടി തേങ്ങ ചിരകിയതും ഗരം മസാല, ജീരകം, മല്ലിയില, ഒരു ചെറിയ കഷ്ണം ഇഞ്ചി നുറുക്കിയത്, ഒരു പച്ചമുളക് അരിഞ്ഞത്, രണ്ട് തണ്ട് കറിവേപ്പില, ചെറുതായി അരിഞ്ഞ സവാള എന്നിവ മാവിലേക്ക് ചേർത്ത് നല്ലത് പോലെ കുഴച്ചെടുക്കുക. അതിനു ശേഷം മീഡിയം വലുപ്പത്തിൽ ഉരുളകളാക്കുക. ഇനി ആവി തട്ടിൽ 10 മിനുട്ട് നേരം വേവിച്ചെടുക്കാം.