രുചികരമായ കട് ലെറ്റ് റെഡി

ആവശ്യം വേണ്ട ചേരുവകൾ

മുട്ട – 4 എണ്ണം ( ആവശ്യത്തിനനുസരിച്ച് എടുക്കാം)
സവാള – 2 എണ്ണം
ഇഞ്ചി – ഒരു ചെറിയ കഷണം
വെളുത്തുള്ളി – 3 അല്ലി
പച്ചമുളക് – 2 എണ്ണം
മല്ലിയില അരിഞ്ഞത് – ഒരു പിടി
കറിവേപ്പില – ഒരു തണ്ട്
ഉരുളക്കിഴങ്ങ് – 2 എണ്ണം
മഞ്ഞള്‍ പൊടി – ¼ ടീസ്പൂണ്‍
മുളക് പൊടി – 1 ടീസ്പൂണ്‍
ഗരം മസാല – ½ ടീസ്പൂണ്‍
ചിക്കന്‍ മസാല – ½ ടീസ്പൂണ്‍
പെരും ജീരകം പൊടിച്ചത് – ½ ടീസ്പൂണ്‍
1 മുട്ടയുടെ വെള്ള നന്നായി അടിച്ചത്
റൊട്ടിപ്പൊടി – ആവശ്യത്തിനു
ഉപ്പ്
എണ്ണ

ഉണ്ടാക്കുന്നത്തിനായി മുട്ട പുഴുങ്ങി നാലായി നീളത്തില്‍ കീറി മാറ്റി വെക്കുക .ഉരുളക്കിഴങ്ങ് പുഴുങ്ങി കൈകൊണ്ടു നന്നായി ഉടച്ചു മാറ്റി വെക്കുക. പാനില്‍ ആവശ്യത്തിനു എണ്ണയൊഴിച്ച് കറിവേപ്പില , ചെറുതായി അരിഞ്ഞ സവാള, ഇഞ്ചി, വെളുത്തുള്ളി, പച്ചമുളക് എന്നിവ നന്നായി വഴറ്റുക .ഇതിലേക്ക് മസാലകളും , മല്ലിയിലയും ചേർത്ത് നന്നായി മൂപ്പിക്കുക .

ഇതിലേക്ക് വേവിച്ച് ഉടച്ചു വെച്ചിരിക്കുന്ന ഉരുളക്കിഴങ്ങും ആവശ്യത്തിനു ഉപ്പും ചേർത്തും നന്നായി യോജിപ്പിക്കുക. ഈ മിക്സ് ഉരുളകള്‍ ആക്കി കൈവെള്ളയില്‍ കുറച്ചു എണ്ണ പുരട്ടി പരത്തുക. അതിന്റെ നടുവില്‍ കീറി വെച്ചിരിക്കുന്ന മുട്ടയുടെ ഓരോ കഷണങ്ങള്‍ എടുത്തു വെച്ച് കൂട്ടി യോജിപ്പിച്ചു മുട്ട വെള്ളയില്‍ മുക്കി , റൊട്ടിപ്പൊടിയില്‍ ഒന്ന് ഉരുട്ടിയെടുത്ത്‌ ചൂടായ എണ്ണയില്‍ ഇടുക. ബ്രൌണ്‍ നിറമാകുമ്പോൾ വറുത്തു കോരിയെടുക്കുക.