സ്വാദൂറും ക്യാരറ്റ് ഹൽവ

ചേരുവകൾ:
1. കാരറ്റ് – 1 കിലോ (ചെറുതായി ചീകിയെടുത്തത്)
2. പഞ്ചസാര -200 ഗ്രാം
3. പാൽ – 250 മില്ലി ലിറ്റർ
4. നെയ്യ് – 3 ടേബിൾസ്പൂൺ
5. ഏലക്ക പൊടിച്ചത് – കാൽ ടീസ്പൂൺ
6. കശുവണ്ടിപ്പരിപ്പ് – 10 എണ്ണം
7. ബദാം – 10 എണ്ണം

തയ്യാറാക്കുന്ന വിധം:
ഒരു ചുവടുകട്ടിയുള്ള പാത്രത്തിൽ നെയ്യൊഴിച്ച് ചൂടാകുമ്പോൾ കാരറ്റ് ചേർത്ത് ചെറുതീയിൽ മൂടിവെച്ച് 20 മിനിറ്റ് വേവിക്കുക. ഇടയ്ക്ക് ഇളക്കിക്കൊടുക്കണം. കാരറ്റ് നന്നായി വെന്തതിനു ശേഷം മൂടിവെയ്ക്കാതെ നന്നായി ഇളക്കി വെള്ളമുണ്ടെങ്കിൽ വറ്റിച്ചെടുക്കുക. ഇതിലേക്ക് പാലൊഴിച്ച് നന്നായി ഇളക്കി മൂടിവച്ച് വേവിക്കുക. 10 മിനിറ്റ് കഴിയുമ്പോൾ മൂടി തുറന്ന് നന്നായി ഇളക്കി വെള്ളം ബാക്കിയുണ്ടെങ്കിൽ വറ്റിച്ചെടുക്കുക. ഇതിലേക്ക് പഞ്ചസാര ചേർത്ത് ഇളക്കി നന്നായി വഴറ്റിയെടുക്കുക. പഞ്ചസാര അലിഞ്ഞ് പാത്രത്തിന്റെ വശങ്ങളിൽനിന്ന് വിട്ടുവരുന്ന പരുവം ആകുമ്പോൾ ചെറുതായി നുറുക്കി നെയ്യിൽ വറുത്ത നട്സ് ചേർത്തിളക്കി യോജിപ്പിക്കുക. ഇതിലേക്ക് ഏലക്കാപ്പൊടി കൂടി ചേർത്തിളക്കി സെർവ് ചെയ്യാം.