പഞ്ചസാര ഇല്ലാതെ ഇത്ര ടേസ്റ്റിയോ? ട്രൈ ചെയ്ത് നോക്കൂ

 ചേരുവകൾ

എള്ള്- അര കപ്പ്
ചണവിത്ത്- 1 കപ്പ്
ബദാം- അര കപ്പ്
ശർക്കര – 1 കപ്പ്
വെള്ളം- കാൽ കപ്പ്
ഏലയ്ക്ക പൊടിച്ചത്-  1 ടീസ്പൂൺ
നെയ്യ്- 1 ടീസ്പൂൺ

തയ്യാറാക്കുന്ന വിധം

അടി കട്ടിയുള്ള ഒരു പാൻ അടുപ്പിൽ വച്ച് അര കപ്പ് കറുത്ത എള്ള് വറുത്ത് മാറ്റാം. അതേ പാനിൽ തന്നെ ഒരു കപ്പ് ചണവിത്ത് വറുക്കാം. അത് എള്ളിലേയ്ക്കു ചേർക്കാം. അര കപ്പ് ബദാമും അതേ പാനിൽ വറുത്തെടുക്കാം. വറുത്ത ബദാം നന്നായി പൊടിച്ച് ഒരു പാത്രത്തിലേയ്ക്കു മാറ്റാം. ശേഷം എള്ളും ചണവിത്തും ഒരുമിച്ചു പൊടിക്കാം. ഇതും ബദാം പൊടിയിലേയ്ക്കു ചേർക്കാം. ഒരു പാനിൽ കാൽ കപ്പ് വെള്ളമൊഴിച്ച് ഒരു കപ്പ് ശർക്കര ചേർത്ത് അലിയിക്കാം. വെള്ളം വറ്റി ശർക്കര അലിഞ്ഞതിനു ശേഷം ഇത് പൊടിയിലേയ്ക്കു ചേർത്തു നന്നായി ഇളക്കി യോജിപ്പിക്കാം. ഒരു ടീസ്പൂൺ ഏലയ്ക്കപ്പൊടിയും, ഒരു ടീസ്പൂൺ നെയ്യും ചേർത്തിളക്കി യോജിപ്പിക്കാം. ഇത് ചെറിയ ഉരുളകളാക്കിയെടുക്കാം. ഇഷ്ടാനുസരണം കഴിക്കാം.