.jpg)
തേങ്ങ പുഴുങ്ങി ഒരു ചെറുപയര്‍ പായസം തയ്യാറാക്കിയാലോ ?
വേണ്ട സാധനങ്ങള്‍
തേങ്ങ - 1
ചൗവ്വരി - അര കപ്പ്‌
ചെറുപയര്‍ - അര കപ്പ്‌
ഉപ്പ് - ഒരു ടീസ്പൂണ്‍
ശര്‍ക്കര - 1 ആണി
ഉണ്ടാക്കുന്ന വിധം
- കുഴിയുള്ള ഒരു പാത്രം അടുപ്പത്ത് വയ്ക്കുക. ഇതില്‍ വെള്ളം ഒഴിക്കുക. ഒരു സ്റ്റാന്‍ഡ് വച്ച് അതിനു മുകളില്‍ തേങ്ങ മുഴുവനോടെ വയ്ക്കുക. ഇതിനു മുകളില്‍ ഒരു ടീസ്പൂണ്‍ ഉപ്പ് ഇട്ട് മൂടിവച്ച് വേവിക്കുക.
- ചൗവ്വരി, കുതിര്‍ത്ത ചെറുപയര്‍ എന്നിവ വെള്ളമൊഴിച്ച് വേവിക്കുക. ഇതിലേക്ക് ഏലക്ക ഇടുക. നന്നായി വേവിക്കുക.
- ഈ സമയം കൊണ്ട് നേരത്തെ പുഴുങ്ങി എടുത്ത തേങ്ങ പൊട്ടിക്കുക. ഉള്ളിലെ കാമ്പ് എടുത്ത് വെള്ളം ഒഴിച്ച് മിക്സിയില്‍ അടിച്ചെടുക്കുക. ഇത് പിഴിഞ്ഞ് പാല്‍ എടുത്ത് മാറ്റിവയ്ക്കുക.
- ചൗവ്വരിയും ചെറുപയറും വെന്തുകഴിഞ്ഞാല്‍ അതിലേക്ക് ശര്‍ക്കര ഇട്ട് ഇളക്കിയെടുക്കുക. ശേഷം തേങ്ങാപ്പാല്‍ ചേര്‍ക്കുക. ചെറുതായി തിള വരുമ്പോള്‍ അടുപ്പില്‍ നിന്നിറക്കി വയ്ക്കാം. ഇത് പായസം പോലെ ചൂടോടെ കുടിക്കാം.
