സാധാരണ രസം മടുത്തോ? എങ്കിൽ സ്പെഷ്യൽ തേങ്ങാപ്പാൽ രസം പരീക്ഷിക്കൂ

തേങ്ങാപ്പാൽ രസം
ആവശ്യമായ സാധനങ്ങൾ
തേങ്ങാപ്പാൽ – 1 കപ്പ്
തക്കാളി – 2 എണ്ണം
പുളി – ചെറിയ നെല്ലിക്ക വലുപ്പം
പച്ചമുളക് – 2 എണ്ണം
വെളുത്തുള്ളി – 4 പല്ല്
കുരുമുളക് – 1 ടീസ്പൂൺ
ജീരകം – ½ ടീസ്പൂൺ
മഞ്ഞൾപ്പൊടി – ¼ ടീസ്പൂൺ
കറിവേപ്പില – 1 തണ്ട്
മല്ലിയില – കുറച്ച്
കടുക് – ½ ടീസ്പൂൺ
വറ്റൽമുളക് – 2 എണ്ണം
വെളിച്ചെണ്ണ – 1 ടേബിൾസ്പൂൺ
ഉപ്പ് – ആവശ്യത്തിന്
തയ്യാറാക്കുന്ന വിധം
പുളി വെള്ളത്തിൽ കുതിർത്തു പിഴിഞ്ഞ് പുളിവെള്ളം തയ്യാറാക്കുക.
കുരുമുളകും ജീരകവും വെളുത്തുള്ളിയും ചെറുതായി ചതയ്ക്കുക.
ഒരു പാത്രത്തിൽ പുളിവെള്ളം, തക്കാളി, പച്ചമുളക്, മഞ്ഞൾപ്പൊടി, ഉപ്പ് എന്നിവ ചേർത്ത് തക്കാളി മൃദുവാകുന്നത് വരെ തിളപ്പിക്കുക.
ചതച്ച കുരുമുളക്–ജീരക മിശ്രിതം ചേർത്ത് 5 മിനിറ്റ് കൂടി വേവിക്കുക.
തീ കുറച്ച് തേങ്ങാപ്പാൽ ചേർക്കുക. തിളക്കാൻ ഇടവരുത്തരുത്; ഒന്ന് ചൂടാകുമ്പോൾ ഓഫ് ചെയ്യുക.
പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക. വറ്റൽമുളകും കറിവേപ്പിലയും ചേർത്ത് താളിക്കുക.
ഈ താളിച്ചത് രസത്തിലേക്ക് ഒഴിച്ച് മല്ലിയില വിതറി സർവ് ചെയ്യുക.