രുചികരമായ ഗ്രേവിയോടെ നാടൻ മണത്തിൽ തേങ്ങാപ്പാൽ ചിക്കൻ കറി തയ്യാറാക്കാം

1.ചിക്കൻ .ഒരു കിലോ
വലിയ മൂന്നു ഉള്ളി ( സവാള )
ഒരു കഷണം ഇഞ്ചി ..(അര സെന്റീ മീറ്റർ നീളത്തിൽ നന്നായി അരിഞ്ഞു)
ആറു എണ്ണം വെളുത്തുള്ളി ..നാല് പച്ച മുളക് കീറിയത്
ഒരു കപ്പു തേങ്ങാ പാൽ ….(തേങ്ങാ തിരുമ്മി മിക്സിയിൽ അടിച്ചത് ആണ് ഞാൻ ഉപയോഗിച്ചത് )
ഒരു കരണ്ടി വിനാഗിരി .. കറിവേപ്പില ……അഞ്ചു സ്പൂൺ എണ്ണ.
2.മസാല
മല്ലി പൊടി മൂന്നു കരണ്ടി
ഒരു കരണ്ടി മുളക് പൊടി
കുറച്ചു കുരുമുളക്
അര സ്പൂൺ കടുക് അര സ്പൂൺ ജീരകം
ഒരു നുള്ള് ഉലുവ ..ഒരു വലിയ കഷണം സവാള ..
3.ഇനി സുഗന്ധത്തിനു …രണ്ടു സെന്റീ മീറ്റർ നീളത്തിൽ പട്ട .നാല് എണ്ണം കരയാംബൂ ഒരു സ്പൂൺ പെരും ജീരകം
ഒരു വലിയ പാത്രത്തിൽ എണ്ണ ചൂടാക്കുക .ഇതിലേക്ക് അരിഞ്ഞു വച്ചിരിക്കുന്ന സവാള വെളുത്തുള്ളി ഇഞ്ചി ഇവ ഇട്ടു നന്നായി വഴറ്റുക ..സവാള ബ്രൌൺ നിറം ആകും വരെ .ഇതിലേക്ക് രണ്ടാമത് പറഞ്ഞിരിക്കുന്ന ചേരുവകകൾ ചേർക്കുക. നന്നായി വറുക്കുക ..മസാലയുടെ പച്ച മണം മാറി വരുന്നത് മണത്തു മനസിലാക്കണം ..എന്നിട്ട് ഇതിലേക്ക് കോഴി കഷണങ്ങൾ ഇടുക .നന്നായി ഇളക്കുക .മസാല അടിക്കു പിടിക്കാതെ നന്നായി ഇളക്കി കൊണ്ട് ഇരിക്കുക ..ഒരു മൂന്നു നാല് മിനിറ്റ് .എന്നിട്ട് ഉപ്പും വിനാഗിരിയും കറിവേപ്പിലയും ചേർക്കുക .തീയ കുറച്ചു വച്ച് പത്തു മിനിറ്റ് വേവിക്കുക ..മസാല നന്നായി വെള്ളം വറ്റി വരും വരെ . എന്നിട്ട് മൂന്നു കപ്പു വെള്ളം ചേർത്തു വീണ്ടും ഒരു പതിനഞ്ചു മിനിറ്റ് വേവിക്കുക ..കോഴി നന്നായി വേവും വരെ .ഒടുവിൽ തേങ്ങാ പാൽ ചേർത്തു തീയ അണച്ച് വാങ്ങി വയ്ക്കുക ..കടുകും കറിവേപ്പിലയും കൊണ്ട് ഒന്ന് താളിക്കുക ( കടുക് വറക്കൽ )
ശുഭം .നല്ല കോഴി കറി റെഡി . വെള്ളം അധികം ആകരുത് ..കപ്പു സാധാരണ ചായ കപ്പു ആണ് ഇതിൽ ഞാൻ ഉപയോഗിച്ച അളവ്