എരിവുള്ള കറികൾ ഇഷ്ടമാണോ? ഊണിന് ഈ വിഭവം തയ്യാറാക്കാം

 ചേരുവകൾ:

- ചൂരമീൻ – 500 ഗ്രാം
- മുളകുപൊടി – 2 ടേബിൾസ്പൂൺ
- മല്ലിപ്പൊടി – 1 ടീസ്പൂൺ
- മഞ്ഞൾപ്പൊടി – ½ ടീസ്പൂൺ
- കുടംപുളി – 3 കഷണം
- ചെറിയ ഉള്ളി – 8 എണ്ണം
- ഇഞ്ചി, വെളുത്തുള്ളി – 1 ടേബിൾസ്പൂൺ
- കറിവേപ്പില, ഉപ്പ്, എണ്ണ – ആവശ്യത്തിന്

തയ്യാറാക്കുന്ന വിധം:

ചട്ടിയിൽ എണ്ണ ചൂടാക്കി ചെറിയ ഉള്ളി, ഇഞ്ചി, വെളുത്തുള്ളി എന്നിവ വഴറ്റുക. മുളകുപൊടി, മല്ലിപ്പൊടി, മഞ്ഞൾപ്പൊടി എന്നിവ ചേർത്ത് ഇളക്കുക. കുടംപുളി കുതിർത്ത് എടുത്ത വെള്ളവും ആവശ്യത്തിന് ഉപ്പും ചേർത്ത് തിളപ്പിക്കുക. ചൂരമീൻ കഷണങ്ങൾ ചേർത്ത് കുറഞ്ഞ തീയിൽ വേവിക്കുക. കറി കുറുകിയശേഷം കറിവേപ്പില ചേർത്ത് അടുപ്പിൽനിന്ന് മാറ്റാം.