.jpg)
ചൂട മോര് കാച്ചിയത് ഇങ്ങനെ തയ്യാറാക്കാം
ചേരുവകൾ
1. മീൻ (ചൂട/വേളൂരി) -200 ഗ്രാം
2. മോര് -അരക്കപ്പ്
3. തേങ്ങ ചിരകിയത് -അരക്കപ്പ്
4. ചെറിയ ഉള്ളി -രണ്ട്
5. വെളുത്തുള്ളി -നാല് അല്ലി
6. പച്ചമുളക് -രണ്ട്
7. ഉലുവ -കാൽ ടീസ്പൂൺ
8. മഞ്ഞൾപൊടി -കാൽ ടീസ്പൂൺ
9. കറിവേപ്പില -രണ്ടു തണ്ട്
10. അരിപ്പൊടി -അര ടീസ്പൂൺ
11. ഉപ്പ് -ആവശ്യത്തിന്
tRootC1469263">തയാറാക്കുന്ന വിധം
1. തേങ്ങയും ചെറിയ ഉള്ളിയും മഞ്ഞൾപൊടിയും മിക്സിയിൽ നന്നായി അരച്ചെടുക്കുക.
2. പാകം ചെയ്യുന്ന പാത്രത്തിലേക്ക് തേങ്ങ അരച്ചതും മോരും വെളുത്തുള്ളി ചതച്ചതും പച്ചമുളക് നീളത്തിൽ കീറിയതും ഉലുവയും ഒരുതണ്ട് കറിവേപ്പിലയും ആവശ്യത്തിനു വെള്ളവും ചേർത്തിളക്കാം.
3. അടുപ്പിൽ ചെറിയ തീയിൽ വെച്ച് തിള വരുമ്പോൾ വൃത്തിയാക്കിയ മീനും ഉപ്പും ചേർത്ത് മീൻ ഉടയാതെ ഇളക്കുക. നാലു മിനിറ്റ് ചെറിയ തീയിൽ വേവിക്കാം.
4. കറി കുറുകാൻ അരിപ്പൊടി കലക്കി ഒഴിക്കുക. തിളച്ചശേഷം ബാക്കി കറിവേപ്പില കൂടി ഇട്ടു അടുപ്പിൽനിന്ന് മാറ്റാം.