അപ്പത്തിനും ഇടിയപ്പത്തിനും ഒപ്പം കഴിക്കാൻ പറ്റിയ തനി നാടൻ ചിക്കൻ സ്റ്റൂ

ചേരുവകൾ
ചിക്കൻ – 500 ഗ്രാം
ഉരുളക്കിഴങ്ങ് – 2 എണ്ണം (ചതുരക്കഷണങ്ങളാക്കിയത്)
സവാള – 2 എണ്ണം (നീളത്തിൽ അരിഞ്ഞത്)
ഇഞ്ചി – 1 ഇഞ്ച് കഷണം (ചെറുതായി അരിഞ്ഞത്)
വെളുത്തുള്ളി – 6 അല്ലി (ചെറുതായി അരിഞ്ഞത്)
പച്ചമുളക് – 3 എണ്ണം (നീളത്തിൽ കീറിയത്)
കറിവേപ്പില – 2 തണ്ട്
കറുവപ്പട്ട – 1 ചെറിയ കഷണം
ഗ്രാമ്പു – 3 എണ്ണം
ഏലക്ക – 3 എണ്ണം
കുരുമുളക് – ½ ടീസ്പൂൺ (ചതച്ചത്)
കട്ടിയുള്ള തേങ്ങാപ്പാൽ – 1 കപ്പ്
രണ്ടാം പാൽ – 2 കപ്പ്
വെളിച്ചെണ്ണ അല്ലെങ്കിൽ വെണ്ണ – 2 ടേബിൾസ്പൂൺ
ഉപ്പ് – ആവശ്യത്തിന്
തയ്യാറാക്കുന്ന വിധം
ഒരു പാത്രത്തിൽ വെളിച്ചെണ്ണയോ വെണ്ണയോ ചൂടാക്കി കറുവപ്പട്ട, ഗ്രാമ്പു, ഏലക്ക എന്നിവ ചേർത്ത് വഴറ്റുക.
ഇഞ്ചി, വെളുത്തുള്ളി, പച്ചമുളക് എന്നിവ ചേർത്ത് പച്ചമണം മാറുന്നതുവരെ വഴറ്റുക.
സവാള ചേർത്ത് ഇളം നിറമാകുന്നതുവരെ വഴറ്റുക. ബ്രൗൺ ആക്കേണ്ടതില്ല.
ചിക്കൻ, ഉരുളക്കിഴങ്ങ്, ഉപ്പ്, കുരുമുളക് എന്നിവ ചേർത്ത് 3–4 മിനിറ്റ് ഇളക്കുക.
രണ്ടാം പാൽ ചേർത്ത് മൂടിവെച്ച് ചിക്കനും ഉരുളക്കിഴങ്ങും നന്നായി വേവിക്കുക.
അവസാനം കട്ടിയുള്ള തേങ്ങാപ്പാൽ ചേർത്ത് ചെറുതീയിൽ 2 മിനിറ്റ് മാത്രം ചൂടാക്കുക. തിളപ്പിക്കരുത്.
കറിവേപ്പില ചേർത്ത് തീ ഓഫ് ചെയ്യുക.