ചായക്കട സ്റ്റൈൽ കിടിലൻ ചിക്കൻ സമൂസ ഇനി വീട്ടിൽ എളുപ്പത്തിൽ തയ്യാറാക്കാം

ചേരുവകൾ

ഫില്ലിംഗിന്:

    ചിക്കൻ – 250 ഗ്രാം

    സവാള – 2 എണ്ണം, ചെറുതായി അരിഞ്ഞത്

    ഇഞ്ചി – 1 ചെറിയ കഷണം

    വെളുത്തുള്ളി – 4 അല്ലി

    പച്ചമുളക് – 2

    കറിവേപ്പില – കുറച്ച്

    മഞ്ഞൾപ്പൊടി – ¼ ടീസ്പൂൺ

    മുളകുപൊടി – 1 ടീസ്പൂൺ

    ഗരം മസാല – ½ ടീസ്പൂൺ

    കുരുമുളകുപൊടി – ½ ടീസ്പൂൺ

    ഉപ്പ് – ആവശ്യത്തിന്

    എണ്ണ – 2 ടേബിൾസ്പൂൺ

സമൂസയ്ക്ക്:

    സമൂസ ഷീറ്റ് – 10–12 എണ്ണം

    മൈദ – 2 ടേബിൾസ്പൂൺ

    വെള്ളം – ആവശ്യത്തിന്

    എണ്ണ – വറുക്കാൻ

തയ്യാറാക്കുന്ന വിധം

    ചിക്കൻ കുറച്ച് ഉപ്പും മഞ്ഞൾപ്പൊടിയും ചേർത്ത് വേവിച്ച് ചെറിയ കഷണങ്ങളായി കീറി വെക്കുക.

    പാനിൽ എണ്ണ ചൂടാക്കി സവാള, ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ വഴറ്റുക.

    സവാള സോഫ്റ്റായാൽ മുളകുപൊടി, ഗരം മസാല, കുരുമുളകുപൊടി എന്നിവ ചേർക്കുക.

    കീറിയ ചിക്കൻ ചേർത്ത് 3–5 മിനിറ്റ് നന്നായി ഇളക്കി വേവിക്കുക. മസാല ഡ്രൈ ആയിരിക്കണം.

    തീ ഓഫ് ചെയ്ത് ഫില്ലിംഗ് പൂർണ്ണമായി തണുപ്പിക്കുക.

    മൈദയിൽ കുറച്ച് വെള്ളം ചേർത്ത് കട്ടിയുള്ള പേസ്റ്റ് ഉണ്ടാക്കുക.

    സമൂസ ഷീറ്റ് ത്രികോണമായി മടക്കി ഒരു സ്പൂൺ ചിക്കൻ ഫില്ലിംഗ് നിറയ്ക്കുക. മൈദ പേസ്റ്റ് ഉപയോഗിച്ച് അരികുകൾ ഒട്ടിക്കുക.

    എണ്ണ മീഡിയം ചൂടിൽ എത്തിയ ശേഷം സമൂസകൾ ഇട്ട് സ്വർണ്ണനിറവും ക്രിസ്പിയും ആകുന്നതുവരെ വറുക്കുക.

    എണ്ണ ഊറ്റിയെടുത്ത് ചൂടോടെ ടൊമാറ്റോ സോസ് അല്ലെങ്കിൽ പുതിന ചട്ണിക്കൊപ്പം കഴിക്കാം.