നാടൻ മസാലയുടെ കരുത്തിൽ ചിക്കൻ പെരട്ട്!

ചേരുവകൾ:

    ചിക്കൻ – 500 ഗ്രാം

    സവാള – 3 എണ്ണം

    തക്കാളി – 2 എണ്ണം

    ഇഞ്ചി – 1 ചെറിയ കഷ്ണം

    വെളുത്തുള്ളി – 6 അല്ലി

    പച്ചമുളക് – 2 എണ്ണം

    മുളകുപൊടി – 1½ ടീസ്പൂൺ

    മല്ലിപ്പൊടി – 2 ടീസ്പൂൺ

    മഞ്ഞൾപ്പൊടി – ½ ടീസ്പൂൺ

    ഗരം മസാല – 1 ടീസ്പൂൺ

    കുരുമുളകുപൊടി – ½ ടീസ്പൂൺ

    കറിവേപ്പില – 2 തണ്ട്

    വെളിച്ചെണ്ണ – 3 ടേബിൾസ്പൂൺ

    ഉപ്പ് – ആവശ്യത്തിന്

തയ്യാറാക്കുന്ന വിധം:

    ചിക്കൻ കഴുകി വൃത്തിയാക്കി മഞ്ഞൾപ്പൊടി, മുളകുപൊടി, ഉപ്പ് എന്നിവ ചേർത്ത് 20 മിനിറ്റ് മാറ്റിവയ്ക്കുക.

    ചട്ടിയിൽ വെളിച്ചെണ്ണ ചൂടാക്കി സവാള ചേർത്ത് ഗോൾഡൻ നിറമാകുന്നതുവരെ വഴറ്റുക.

    ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേർത്ത് വഴറ്റുക.

    തക്കാളി ചേർത്ത് നന്നായി ഉടഞ്ഞുവരുന്നതുവരെ വേവിക്കുക.

    മല്ലിപ്പൊടി, ഗരം മസാല, കുരുമുളകുപൊടി എന്നിവ ചേർത്ത് പച്ചമണം മാറുന്നതുവരെ വഴറ്റുക.

    ഇതിലേക്ക് ചിക്കൻ ചേർത്ത് നന്നായി ഇളക്കുക.

    ആവശ്യത്തിന് വെള്ളം ചേർത്ത് മൂടിവെച്ച് ചിക്കൻ പൂർണമായി വേവിക്കുക.

    ശേഷം മൂടി മാറ്റി ഗ്രേവി കുറുകുന്നതുവരെ ചെറിയ തീയിൽ വേവിക്കുക.

    കറിവേപ്പില ചേർത്ത് ചൂടോടെ വിളമ്പാം.