തടി കുറയ്ക്കാൻ നോക്കുന്നവർക്ക് രാത്രി കഴിക്കാൻ പറ്റിയ ഒരു കിടിലൻ പ്രോട്ടീൻ റിച്ച് കറി

ആവശ്യമായ സാധനങ്ങൾ
ചെറുപയർ – 1 കപ്പ്
സവാള – 1 എണ്ണം (ചെറുതായി അരിഞ്ഞത്)
തക്കാളി – 1 എണ്ണം (ഐച്ഛികം)
ഇഞ്ചി – 1 ഇഞ്ച് കഷണം (ചെറുതായി അരിഞ്ഞത്)
വെളുത്തുള്ളി – 4 അല്ലി
പച്ചമുളക് – 2 എണ്ണം
മഞ്ഞൾപ്പൊടി – ¼ ടീസ്പൂൺ
മുളകുപൊടി – 1 ടീസ്പൂൺ
മല്ലിപ്പൊടി – 2 ടീസ്പൂൺ
ഗരം മസാല – ½ ടീസ്പൂൺ
തേങ്ങാപ്പാൽ – 1 കപ്പ് (അല്ലെങ്കിൽ അര കപ്പ് തേങ്ങ അരച്ചത്)
ഉപ്പ് – ആവശ്യത്തിന്
വെളിച്ചെണ്ണ – 2 ടേബിൾസ്പൂൺ
താളിക്കാൻ
കടുക് – 1 ടീസ്പൂൺ
വറ്റൽമുളക് – 2 എണ്ണം
കറിവേപ്പില – 2 തണ്ട്
തയ്യാറാക്കുന്ന വിധം
ചെറുപയർ കഴുകി 4–5 കപ്പ് വെള്ളവും അല്പം ഉപ്പും ചേർത്ത് കുക്കറിൽ 4–5 വിസിൽ വരെ വേവിക്കുക.
ചട്ടിയിൽ വെളിച്ചെണ്ണ ചൂടാക്കി കടുക് പൊട്ടിക്കുക. വറ്റൽമുളകും കറിവേപ്പിലയും ചേർക്കുക.
സവാള, ഇഞ്ചി, വെളുത്തുള്ളി, പച്ചമുളക് എന്നിവ ചേർത്ത് ഇളം ബ്രൗൺ നിറമാകുന്നതുവരെ വഴറ്റുക.
തക്കാളി ചേർത്ത് നന്നായി വഴറ്റുക.
മഞ്ഞൾപ്പൊടി, മുളകുപൊടി, മല്ലിപ്പൊടി ചേർത്ത് 1–2 മിനിറ്റ് ഇളക്കുക.
വേവിച്ച ചെറുപയർ ചേർത്ത് നന്നായി യോജിപ്പിക്കുക. ആവശ്യമെങ്കിൽ കുറച്ച് വെള്ളം ചേർക്കാം.
അവസാനം തേങ്ങാപ്പാലും ഗരം മസാലയും ചേർത്ത് 2–3 മിനിറ്റ് ചെറുതീയിൽ തിളപ്പിക്കുക. തിളച്ചുകഴിഞ്ഞാൽ തീ ഓഫ് ചെയ്യുക.

ചൂടോടെ ചോറ്, പുട്ട്, അപ്പം, ചപ്പാത്തി എന്നിവയ്ക്കൊപ്പം വിളമ്പാം.ചെറുപയര്‍ കറി  റെ‍ഡി.