ദോശയിൽ ഒരു വെറൈറ്റി ഇതാ ..

വളരെ എളുപ്പത്തിൽ തയ്യാറാക്കാവുന്ന ഒന്നാണിത്. ചെറുപയർ, പച്ചരി എന്നിവ രണ്ടും കഴുകിയ ശേഷം ഒന്നിച്ച് ആറ് മുതൽ എട്ട് മണിക്കൂറോളം വെള്ളത്തിൽ കുതിർത്തിടുക. പച്ചരി ഇല്ലെങ്കിലും കുഴപ്പമില്ല. പച്ചരിക്ക് പകരം കുറച്ച് റാഗിയും ചേർക്കാവുന്നതാണ്. അതിന് ശേഷം ഇത് അരച്ചെടുക്കുന്നതിന് മുമ്പായി ഇതിലേയ്ക്ക് രണ്ട് പച്ച മുളക്, നാലോ അഞ്ചോ ചെറിയുള്ളി, ഒരു കഷ്ണം ഇഞ്ചി എന്നിവ കൂടെ ചേർത്ത് നന്നായി അരച്ചെടുക്കുക.

ഈ മാവ് പാത്രത്തിലേക്ക് മാറ്റി ആവശ്യത്തിന് ഉപ്പും ഒരു നുള്ള് മഞ്ഞളും ചേർത്തിളക്കുക. കുറച്ച് മല്ലിയില അരിഞ്ഞത് കൂടെ ചേർത്താൽ രുചി കൂടും. ഇനി ഇത് നന്നായി ഇളക്കി ദോശ പോലെ പരത്തി ചുട്ടെടുക്കാം. മുകളിൽ കുറച്ച് നെയ്യ് കൂടെ ചേർത്താൽ രുചിയും ഗുണവും ഇരട്ടി!