കുട്ടികൾക്ക് കൊടുക്കാൻ പറ്റിയ ബെസ്റ്റ് ഈവനിംഗ് സ്നാക്ക്

ചേരുവകൾ
വേവിച്ച കടല (കബൂളി ചണ) – 2 കപ്പ്
ഉരുളക്കിഴങ്ങ് – 1 എണ്ണം (വേവിച്ച് ഉടച്ചത്)
സവാള – 1 എണ്ണം (ചെറുതായി അരിഞ്ഞത്)
പച്ചമുളക് – 2 എണ്ണം (ചെറുതായി അരിഞ്ഞത്)
ഇഞ്ചി-വെളുത്തുള്ളി പേസ്റ്റ് – 1 ടീസ്പൂൺ
മല്ലിയില – 2 ടേബിൾസ്പൂൺ (അരിഞ്ഞത്)
പുതിനയില – 2 ടേബിൾസ്പൂൺ (അരിഞ്ഞത്)
മുളകുപൊടി – 1 ടീസ്പൂൺ
മല്ലിപ്പൊടി – 1 ടീസ്പൂൺ
ജീരകപ്പൊടി – ½ ടീസ്പൂൺ
ഗരം മസാല – ½ ടീസ്പൂൺ
കുരുമുളകുപൊടി – ¼ ടീസ്പൂൺ
നാരങ്ങാനീര് – 1 ടീസ്പൂൺ
ബ്രെഡ് ക്രംബ്സ് – ½ കപ്പ്
ഉപ്പ് – ആവശ്യത്തിന്
എണ്ണ – ഷാലോ ഫ്രൈ ചെയ്യാൻ
തയ്യാറാക്കുന്ന വിധം
വേവിച്ച കടല വെള്ളം നന്നായി വാർത്ത് മിക്സിയിൽ ഒന്ന് ചതച്ചെടുക്കുക. പൂർണ്ണമായി പേസ്റ്റ് ആക്കേണ്ടതില്ല.
ഒരു പാത്രത്തിൽ ചതച്ച കടല, ഉടച്ച ഉരുളക്കിഴങ്ങ്, സവാള, പച്ചമുളക്, ഇഞ്ചി-വെളുത്തുള്ളി പേസ്റ്റ്, മല്ലിയില, പുതിനയില എന്നിവ ചേർക്കുക.
മുളകുപൊടി, മല്ലിപ്പൊടി, ജീരകപ്പൊടി, ഗരം മസാല, കുരുമുളകുപൊടി, ഉപ്പ്, നാരങ്ങാനീര് എന്നിവ ചേർത്ത് നന്നായി യോജിപ്പിക്കുക.
മിശ്രിതം അയവാണെങ്കിൽ ബ്രെഡ് ക്രംബ്സ് ചേർത്ത് കുഴയ്ക്കുക.
ചെറിയ ഉരുളകളാക്കി കബാബിന്റെ ആകൃതിയിൽ പരത്തുക.
ഒരു പാനിൽ അല്പം എണ്ണ ചൂടാക്കി മീഡിയം തീയിൽ ഇരുവശവും സ്വർണനിറമാകുന്നതുവരെ ഷാലോ ഫ്രൈ ചെയ്യുക.
ചൂടോടെ പുതിന ചട്നി, തക്കാളി സോസ്, അല്ലെങ്കിൽ തൈര് ഡിപ്പ് എന്നിവയ്‌ക്കൊപ്പം വിളമ്പാം. ചന്ന കബാബ് റെഡി.