ചക്-ഹാവോ ഖീർ ; നിറത്തിലും രുചിയിലും വേറിട്ടൊരു പായസം; ആഘോഷവിരുന്നിന് സ്പെഷ്യൽ

 ചേരുവകൾ: ചക്-ഹാവോ കറുത്ത അരി ½ കപ്പ്, പാൽ 1 ലിറ്റർ, പഞ്ചസാര ½ കപ്പ്, ഏലക്കാപ്പൊടി ½ ടീസ്പൂൺ, ബദാം, കശുവണ്ടി, ഉണക്കമുന്തിരി എന്നിവ ആവശ്യത്തിന്.

തയ്യാറാക്കുന്ന വിധം: കറുത്ത അരി നന്നായി കഴുകി 30 മിനിറ്റ് വെള്ളത്തിൽ കുതിർക്കുക. പാൽ ഒരു പാത്രത്തിൽ തിളപ്പിച്ചശേഷം അരി ചേർത്ത് ചെറിയ തീയിൽ വേവിക്കുക. അരി നന്നായി വെന്ത് പാൽ കുറുകുമ്പോൾ പഞ്ചസാര ചേർക്കുക. ഏലക്കാപ്പൊടിയും വറുത്തെടുത്ത അണ്ടിപ്പരിപ്പുകളും ചേർത്ത് ഇളക്കുക. ചൂടോടെയോ തണുപ്പിച്ചോ വിളമ്പാം. കറുത്ത അരിയുടെ സ്വാഭാവിക നിറം പായസത്തിന് മനോഹരമായ വയലറ്റ് കലർന്ന നിറം നൽകും.