ചായക്കൊപ്പം കഴിക്കാം കാബേജ് പക്കോഡ

ആവശ്യമുള്ള സാധനങ്ങള്‍

കാബേജ് കൊത്തിയരിഞ്ഞത് – രണ്ട് കപ്പ്

അരിഞ്ഞ സവാള- ഒന്ന്

കടലപ്പൊടി- മുക്കാല്‍ കപ്പ്

മുളകുപൊടി- ഒരു ടീസ്പൂണ്‍

അരിപ്പൊടി- കാല്‍ കപ്പ്

മഞ്ഞള്‍പൊടി- കാല്‍ ടീസ്പൂണ്‍

വെളുത്തുള്ളി, ഇഞ്ചി പേസ്റ്റ്- ഒരു ടീസ്പൂണ്‍

കായം- ഒരു നുള്ള്

കറിവേപ്പില- രണ്ട് തണ്ട്

ഉപ്പ്, എണ്ണ- പാകത്തിന്

തയ്യാറാക്കുന്ന വിധം

സവാളയും കാബേജും പിഴിഞ്ഞ് വെള്ളം കളയുക. എല്ലാ ചേരുവകളും വെള്ളം ചേര്‍ത്ത് മാവുണ്ടാക്കുക. ചൂടായ എണ്ണയില്‍ ഇത് കുറച്ച് കുറച്ചായി കോരിയിട്ട് ചുവക്കെ വറുക്കുക. ടിഷ്യൂ പേപ്പറില്‍ നിരത്തി എണ്ണ കളഞ്ഞ ശേഷം ചട്ണി കൂട്ടി കഴിക്കാം.